Man Prints Fake Rs 500 Notes | ఇంటి అద్దె చెల్లించలేక.. నకిలీ రూ.500 నోట్లు ముద్రించిన వ్యక్తి
Man Prints Fake Rs 500 Notes | అద్దె ఇంట్లో నివసిస్తున్న వ్యక్తి కిరాయి చెల్లించలేక ఇబ్బంది పడ్డాడు. ఈ నేపథ్యంలో ఆ ఇంట్లో రహస్యంగా నకిలీ రూ.500 నోట్లను అతడు ముద్రించాడు. ఇంటి యజమానితో గొడవ పడిన ఆ వ్యక్తి పారిపోయాడు.
ముంబై: అద్దె ఇంట్లో నివసిస్తున్న వ్యక్తి కిరాయి చెల్లించలేక ఇబ్బంది పడ్డాడు. ఈ నేపథ్యంలో ఆ ఇంట్లో రహస్యంగా నకిలీ రూ.500 నోట్లను అతడు ముద్రించాడు. ఇంటి యజమానితో గొడవ పడిన ఆ వ్యక్తి పారిపోయాడు. ఆ ఇంటి తాళం పగులగొట్టి లోపలకు వెళ్లి చూసిన యజయాని నకిలీ రూ.500 నోట్లు ప్రింట్ చేసి ఉండటం చూసి షాక్ అయ్యాడు. మహారాష్ట్రలోని నాగ్పూర్లో ఈ సంఘటన జరిగింది. నాగ్పూర్లోని త్రిమూర్తి నగర్కు చెందిన పుష్పక్ కృష్ణ భండార్కర్ అలియాస్ బెండానె, ఏడాదిన్నర కిందట ఖర్బీ ప్రాంతంలో ఒక గదిని అద్దెకు తీసుకున్నాడు. అద్దె ఒప్పందం జనవరిలో ముగిసింది. అలాగే గత కొన్ని నెలలుగా ఇంటి యజమానికి అద్దె చెల్లించడం కూడా అతడు ఆపేశాడు.
కాగా, ఇంటిని ఖాళీ చేయాలని యజమాని రమేష్ డిమాండ్ చేయగా పుష్పక్ కత్తితో బెదిరించాడు. దీంతో ఇంటి యజమాని పోలీసులను ఆశ్రయించంతో అతడిపై కేసు నమోదు చేశారు. ఆ తర్వాత చాలా కాలంగా పుష్పక్ అద్దె ఇంటికి రాలేదు. ఈ నేపథ్యంలో యజమాని రమేష్ అక్టోబర్ 24న సుత్తితో డోర్ తాళం పగులగొట్టాడు. ఇంటి లోపలకు వెళ్లి చూడగా బకెట్లో కరెన్సీ నోట్ల కట్టలు, అక్కడక్కడ పడిఉన్న కాగితపు షీట్లు, ఒక ప్రింటర్ ఉండటం చూసి ఆయన షాక్ అయ్యాడు. వెంటనే పోలీసులకు సమాచారం ఇచ్చాడు.
మరోవైపు పోలీసులు అక్కడకు చేరుకున్నారు. ఆ ఇంట్లో నకిలీ రూ.500 నోట్లు ప్రింటింగ్ చేస్తున్నట్లు గ్రహించారు. కౌంటింగ్ యంత్రాన్ని తెప్పించి లెక్కించారు. రూ.37 లక్షల విలువైన నకిలీ నోట్లను పుష్పక్ ముద్రించినట్లు గుర్తించారు. ఒకవైపు పాక్షికంగా ముద్రించిన కరెన్సీ నోట్లు, ప్రింటింగ్ సామగ్రి సహా రూ.48 లక్షల విలువైన వాటిని స్వాధీనం చేసుకున్నారు. పరారీలో ఉన్న పుష్పక్ కోసం పోలీసులు వెతుకుతున్నారు. అతడు ముంబైలో ఉన్నట్లు తెలుసుకుని అరెస్ట్ కోసం ప్రయత్నిస్తున్నారు.
Read Today's Latest National News in Telugu and Telugu News
RELATED ARTICLES
తాజా వార్తలు
Tirumala | తిరుమలలో కొనసాగుతున్న భక్తుల రద్దీ.. సర్వదర్శనానికి 15 గంటల సమయం
CNG Gas leak | కోనసీమ జిల్లాలో సీఎన్జీ గ్యాస్ లీక్..సమీప ప్రజలను ఖాళీ చేయించిన అధికారులు
ఓపీఎస్కే మన ఓటు.. భద్రాద్రి కలెక్టరేట్ వద్ద ఉద్యోగుల ధర్నా
Vera Dijkmans | అమెరికా అధికారుల అదుపులో ప్రపంచ మోస్ట్ వాంటెడ్ గర్ల్ఫ్రెండ్ వెరా డిజ్క్మాన్స్..!
Jagadish Reddy | కేసీఆర్ ఇచ్చిన కరెంటు, నీళ్లు కూడా ఇవ్వలేకపోతున్నారు : కాంగ్రెస్ మేనిఫెస్టోపై జగదీష్ రెడ్డి
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

