Covishield Vaccine | కొవిషీల్డ్‌తో సైడ్‌ఎఫెక్ట్స్‌ నిజమే.. అంగీకరించిన అస్ట్రాజెనెకా

కొవిషీల్డ్‌ కొవిడ్‌ టీకాతో దుష్ప్రభావాలు తలెత్తడం నిజమేనని టీకా తయారీసంస్థ అస్ట్రాజెనెకా తొలిసారి కోర్టులో అంగీకరించింది. అత్యంత అరుదైన కేసుల్లో టీటీఎస్‌ (రక్తం గడ్డ కట్టడం, ప్లేట్‌లెట్‌ కౌంట్‌ తగ్గడం) సిండ్రోమ్‌ తలెత్తుతున్నట్టు పేర్కొన్నది.

Covishield Vaccine | న్యూఢిల్లీ: కొవిషీల్డ్‌ కొవిడ్‌ టీకాతో దుష్ప్రభావాలు తలెత్తడం నిజమేనని టీకా తయారీసంస్థ అస్ట్రాజెనెకా తొలిసారి కోర్టులో అంగీకరించింది. అత్యంత అరుదైన కేసుల్లో టీటీఎస్‌ (రక్తం గడ్డ కట్టడం, ప్లేట్‌లెట్‌ కౌంట్‌ తగ్గడం) సిండ్రోమ్‌ తలెత్తుతున్నట్టు పేర్కొన్నది. ఆక్స్‌ఫర్డ్‌ యూనివర్సిటీతో కలిసి అస్ట్రాజెనెకా కరోనా టీకాను అభివృద్ధి చేసిన విషయం తెలిసిందే.

ఈ టీకాను భారత్‌లో సీరం ఇన్‌స్టిట్యూట్‌ ఆఫ్‌ ఇండియా (ఎస్‌ఐఐ) కొవిషీల్డ్‌ పేరుతో ఉత్పత్తి చేస్తున్నది. అయితే దీనివల్ల తీవ్ర దుష్ప్రభావాలు తలెత్తుతున్నాయని అస్ట్రాజెనెకాపై బ్రిటన్‌లో పలు కేసులు నమోదయ్యాయి. ఈ కేసు విచారణ సందర్భంగా అస్ట్రాజెనెకా.. దుష్ప్రభావాలు నిజమేనని అంగీకరించింది. భద్రతా ఆందోళనల నేపథ్యంలో ప్రస్తుతం బ్రిటన్‌లో కొవిషీల్డ్‌ టీకా వేయడాన్ని నిలిపివేశారు.