నేటి నుంచి రైల్వే కౌంటర్‌ టికెట్లకూ బీమా

ఇకపై ఆఫ్‌లైన్‌లో రైల్వే కౌంటర్ల వద్ద టికెట్లు కొనుగోలు చేసిన ప్రయాణికులకు కూడా ప్రయాణ బీమా పథకం సదుపాయం అందుబాటులోకి రానుంది. సుప్రీంకోర్టు ఆదేశాల మేరకు అమలవుతున్న ఈ పథకం అక్టోబర్‌ 27 నుంచి అందుబాటులోకి రానుంది.

న్యూఢిల్లీ : ఇకపై ఆఫ్‌లైన్‌లో రైల్వే కౌంటర్ల వద్ద టికెట్లు కొనుగోలు చేసిన ప్రయాణికులకు కూడా ప్రయాణ బీమా పథకం సదుపాయం అందుబాటులోకి రానుంది. సుప్రీంకోర్టు ఆదేశాల మేరకు అమలవుతున్న ఈ పథకం అక్టోబర్‌ 27 నుంచి అందుబాటులోకి రానుంది. దీని ప్రకారం ప్రయాణికుడు టికెట్‌పై కేవలం 45 పైసలు చెల్లిస్తే చాలు.. రూ. 10 లక్షల బీమా కవరేజీ లభిస్తుంది. అయితే దీనిని ప్రయాణికుల ఎంపికకే వదిలివేశారు.

ఈ ప్రీమియం తీసుకునే వారు కచ్చితంగా తమ మొబైల్‌ నంబరును రిజస్టర్‌ చేయించుకోవాలి. టికెట్‌ చార్జీతో కలిపి దీనిని వసూలు చేస్తారు. ఈ బీమా పథకంలో భాగంగా రైలు ప్రమాదం లేదా ఏదైనా ఇతర అవాంఛనీయ ఘటనల కారణంగా ప్రయాణికుడు మరణించినా, లేదా తీవ్రంగా గాయపడి, శాశ్వత అంగవైకల్యానికి గురైనా గరిష్ఠంగా రూ.10 లక్షల బీమా అందిస్తారు.