రాహుల్‌గాంధీ కాన్వాయ్‌కు ప్రమాదం

ఉత్తరప్రదేశ్‌లోని పూర్వాంచల్‌ ఎక్స్‌ప్రెస్‌వేపై సోమవారం కాంగ్రెస్‌ అగ్రనేత రాహుల్‌ గాంధీ కాన్వాయ్‌ ప్రమాదానికి గురైంది. కాన్వాయ్‌లోని చివరి ఐదు వాహనాలు, ఒక అంబులెన్స్‌ ఒకదాన్ని ఒకటి ఢీకొన్నాయి.

లక్నో : ఉత్తరప్రదేశ్‌లోని పూర్వాంచల్‌ ఎక్స్‌ప్రెస్‌వేపై సోమవారం కాంగ్రెస్‌ అగ్రనేత రాహుల్‌ గాంధీ కాన్వాయ్‌ ప్రమాదానికి గురైంది. కాన్వాయ్‌లోని చివరి ఐదు వాహనాలు, ఒక అంబులెన్స్‌ ఒకదాన్ని ఒకటి ఢీకొన్నాయి. ఈ ఘటనలో రాహుల్‌ సురక్షితంగా బయటపడగా.. పలువురు భద్రతా సిబ్బంది, కార్యకర్తలకు గాయాలైనట్టు సమాచారం. సుల్తాన్‌పూర్‌ కోర్టులో వెలువడనున్న తీర్పు నేపథ్యంలో రాహుల్‌ గాంధీ అక్కడికి వెళ్తుండగా ఈ ప్రమాదం జరిగింది.