కొత్త ముసాయిదాతో జంతువులకు హాని?

కేంద్రం ప్రతిపాదించిన 2026 ముసాయిదా నిబంధనలతో ప్రయోగశాలల్లో జంతువుల రక్షణకు ప్రమాదం ఏర్పడుతుందని జంతు హక్కుల సంస్థ పెటా ఇండియా ఆందోళన వ్యక్తం చేసింది.

న్యూఢిల్లీ : కేంద్రం ప్రతిపాదించిన 2026 ముసాయిదా నిబంధనలతో ప్రయోగశాలల్లో జంతువుల రక్షణకు ప్రమాదం ఏర్పడుతుందని జంతు హక్కుల సంస్థ పెటా ఇండియా ఆందోళన వ్యక్తం చేసింది. ఈ నిబంధనలు అమల్లోకి వస్తే జంతువులపై ప్రయోగాల్లో వాటి రక్షణ నియమాలు బలహీనపడుతాయని తెలిపింది.

ఈ ముసాయిదాతో వన్యప్రాణుల సంరక్షణ చట్టం పరిధిలో ఉన్న అరుదైన జంతువులను కూడా పరిశోధనలకు ఉపయోగించే అవకాశం ఉందని పెటా ఆవేదన వ్యక్తం చేసింది. జంతువులను దీర్ఘకాలం బాధపెట్టే ప్రయోగాలు కూడా చేసే అవకాశం ఉన్నదని.. ఈ ముసాయిదాను వెంటనే ఉపసంహరించుకోవాలని కోరింది.