Fire Accident | నోయిడాలో భారీ అగ్నిప్ర‌మాదం.. ఒక‌రు మృతి.. ప‌లు దుకాణాలు అగ్నికి ఆహుతి..!

Fire Accident | ఉత్తరప్రదేశ్ (Uttarpradesh) లోని నోయిడా (Noida) లో శనివారం మధ్యాహ్నం భారీ అగ్నిప్రమాదం (Fire Accident) జ‌రిగింది. ఈ దుర్ఘటనలో ఒకరు ప్రాణాలు కోల్పోగా పలు దుకాణాలు అగ్నికి ఆహూతయ్యాయి. నోయిడా సెక్టార్ 125లో తాత్కాలికంగా ఏర్పాటు చేసిన టీ (Tea), స్నాక్స్ (Snacks) దుకాణాల్లో తొలుత మంటలు చెలరేగాయి.

Fire Accident : ఉత్తరప్రదేశ్ (Uttarpradesh) లోని నోయిడా (Noida) లో శనివారం మధ్యాహ్నం భారీ అగ్నిప్రమాదం (Fire Accident) జ‌రిగింది. ఈ దుర్ఘటనలో ఒకరు ప్రాణాలు కోల్పోగా పలు దుకాణాలు అగ్నికి ఆహూతయ్యాయి. నోయిడా సెక్టార్ 125లో తాత్కాలికంగా ఏర్పాటు చేసిన టీ (Tea), స్నాక్స్ (Snacks) దుకాణాల్లో తొలుత మంటలు చెలరేగాయి. సెక్టార్ 126 పోలీస్ స్టేషన్ పరిధిలోని రాయ్‌పూర్ ప్రాంతంలో ఉన్న ఐదు దుకాణాలకు మంటలు వేగంగా వ్యాపించాయి.

ప్ర‌మాదం గురించిన సమాచారం అందిన వెంటనే అగ్నిమాపక, పోలీస్ సిబ్బంది హుటాహుటిన ఘటనా స్థలానికి చేరుకున్నారు. ఆరు అగ్నిమాపక యంత్రాల సాయంతో మంటలను అదుపులోకి తెచ్చేందుకు తీవ్రంగా శ్రమించారు. ప్రమాద సమయంలో దట్టమైన నల్లటి పొగ ఆ ప్రాంతాన్ని అలుముకోవడంతో అధికారులు ముందుజాగ్రత్తగా సమీపంలోని రహదారులను మూసివేసి సహాయక చర్యలు చేపట్టారు. సహాయక చర్యల సమయంలో ఒక వ్యక్తి అపస్మారక స్థితిలో పడి ఉండటాన్ని సిబ్బంది గుర్తించారు.

వెంటనే బాధితుడిని ఆస్ప‌త్రికి తరలించగా అప్పటికే అతను మరణించినట్లు వైద్యులు ధ్రువీకరించారు. మృతుడి వివరాలు ఇంకా తెలియాల్సి ఉందని అధికారులు చెప్పారు. ఘటనా స్థలంలో పెద్ద సంఖ్యలో ఎల్పీజీ సిలిండర్లు ఉన్నాయని, వాటి కారణంగా మరింత ప్రమాదాలు సంభవించకుండా తగిన జాగ్రత్తలు తీసుకుంటున్నట్లు నోయిడా చీఫ్ ఫైర్ ఆఫీసర్ ప్రదీప్ కుమార్ తెలిపారు. శిథిలాల కింద ఎవరైనా చిక్కుకున్నారా అనే కోణంలో రెస్క్యూ ఆప‌రేష‌న్ చేప‌ట్టిన‌ట్లు చెప్పారు.