ఓ బ‌ల‌హీన వ్య‌క్తిని సీఎం చేయాల‌ని అధిష్ఠానం చూస్తోంది : సిద్దూ సంచ‌ల‌న వ్యాఖ్య‌లు

Navjot Singh Sidhu | పంజాబ్ సీఎం అభ్య‌ర్థి ఎంపిక అధిష్ఠానానికి త‌ల‌నొప్పిగా మారింది. సీఎం చెన్నీ, పీసీసీ చీఫ్ సిద్దూ మ‌ధ్య పోటీ తీవ్రంగా నెల‌కొంది. ఎవ‌ర్ని ఎంపిక చేయాలో అధిష్ఠానానికి పాలుపోవ‌డం లేదు. మ‌రో వైపు సీఎం అభ్య‌ర్థి ఎవ‌ర‌న్న‌ది కాంగ్రెస్ ఎంపీ రాహుల్ గాంధీ ఆదివారం ప్ర‌క‌టిస్తారు. రాహుల్ ఆదివారం పంజాబ్ ప‌ర్య‌ట‌న‌కు వెళ్తున్నారు. ఆ రోజే సీఎం అభ్య‌ర్థిని ప్ర‌క‌టిస్తార‌ని స‌మాచారం. ఈ నేప‌థ్యంలో పీసీసీ చీఫ్ సిద్దూ అధిష్ఠానంపై సంచ‌ల‌న వ్యాఖ్య‌లు చేశారు.

పంజాబ్‌లో ఓ బ‌ల‌హీన‌మైన వ్యక్తిని సీఎం పీఠంపై కూర్చోబెట్టాల‌ని అధిష్ఠానం ప్ర‌య‌త్నిస్తోంద‌ని ఆరోపించారు. అధిష్ఠానం చెప్పిన‌ట్లుగా న‌డుచుకునే వ్య‌క్తినే సీఎం పీఠంపై కూర్చోబెట్ట‌డానికి సిద్ధ‌మ‌వుతున్నార‌ని సిద్దూ సంచ‌ల‌న వ్యాఖ్య‌లు చేశారు. పంజాబ్‌ను కొత్త పుంత‌లు తొక్కించే బాధ్య‌త‌, ఛాన్స్ ముఖ్య‌మంత్రి చేతుల్లోనే వుంటుంది. మీరే ఈ సారి సీఎంను ఎన్నుకోవాల్సి ఉంటుంది. ఓ బ‌ల‌హీన వ్య‌క్తిని సీఎం పీఠంపై కూర్చోబెట్టాల‌ని, తాము చెప్పిన‌ట్లే న‌డుచుకునే ల‌క్ష‌ణ‌మున్న వ్య‌క్తిని పంజాబ్ సీఎం చేయాల‌న్న‌ది అధిష్ఠానం ప్లాన్‌. అలాంటి ముఖ్య‌మంత్రి మీకు కావాలా? అంటూ సిద్దూ సూటిగా పార్టీ కార్య‌క‌ర్త‌ల‌ను ప్ర‌శ్నించారు.