మరింత మంది ఉద్యోగులకు ‘మెటా’ టాటా ?

ఇప్పటికే 11 వేల మంది ఉద్యోగులను ఇంటికి పంపించిన మెటా సంస్థ మరిన్ని ఉద్యోగాల కోతకు సిద్ధమవుతున్నదని తెలుస్తున్నది. పనితీరు

న్యూఢిల్లీ: ఇప్పటికే 11 వేల మంది ఉద్యోగులను ఇంటికి పంపించిన మెటా సంస్థ మరిన్ని ఉద్యోగాల కోతకు సిద్ధమవుతున్నదని తెలుస్తున్నది. పనితీరు ఆధారంగా ఉద్యోగుల తొలగింపు ఉంటుందని ‘ఫైనాన్షియల్‌ టైమ్స్‌’ కథనం పేర్కొన్నది. ఈ కథనం ప్రకారం ఫేస్‌బుక్‌, వాట్సాప్‌ మాతృసంస్థ అయిన మెటా టీమ్‌ బడ్జెట్లను ఖరారు చేయడం లేదు. చాలా అంశాలపై యాజమాన్యం నుంచి ఉద్యోగులకు స్పష్టత రావడం లేదు.

మేనేజర్లు పనిభారాన్ని ప్రణాళికాబద్ధంగా ఉద్యోగులందరికీ పంచడం లేదు. మొత్తంగా సంస్థలో ఒక గందరగోళ వాతావరణం ఉంది. కొందరు ఉద్యోగులను తొలగించే పనిలో నిమగ్నమైనందుకే ఇలా జరుగుతున్నదని ఉద్యోగులు భావిస్తున్నారు. మార్చి నెలలో ఉద్యోగాల తొలగింపు ఉంటుందని తెలుస్తున్నది.