Man, Father Paraded Naked | బాలికతో ప్రేమవ్యవహారం.. యువకుడు, తండ్రి, స్నేహితుడ్ని నగ్నంగా ఊరేగింపు

Man, Father Paraded Naked | ఒక బాలికతో యువకుడికి ఉన్న ప్రేమ సంబంధం గురించి ఆమె బంధువుకు తెలిసింది. ఈ నేపథ్యంలో ఆ యవకుడు, అతడి తండ్రితోపాటు స్నేహితుడిని బాలిక కుటుంబ సభ్యులు కొట్టారు. చంపుతామని తుపాకీతో బెదిరించారు. వారిని నగ్నంగా ఊరేగించి శిక్షించారు.

కోల్‌కతా: ఒక బాలికతో యువకుడికి ఉన్న ప్రేమ సంబంధం గురించి ఆమె బంధువుకు తెలిసింది. ఈ నేపథ్యంలో ఆ యవకుడు, అతడి తండ్రితోపాటు స్నేహితుడిని బాలిక కుటుంబ సభ్యులు కొట్టారు. చంపుతామని తుపాకీతో బెదిరించారు. వారిని నగ్నంగా ఊరేగించి శిక్షించారు. (Man, Father Paraded Naked) పశ్చిమ బెంగాల్‌ రాజధాని కోల్‌కతాలో ఈ సంఘటన జరిగింది. బెహాలా ప్రాంతానికి చెందిన 18 ఏళ్ల యువకుడు, ఫ్రెండ్‌తో కలిసి ప్రియురాలైన బాలికను కలిశాడు. మాట్లాడే సమయంలో ఆ యువకుడు ఆమెను ముద్దుపెట్టుకున్నాడు.

కాగా, బాలిక కుటుంబానికి తెలిసిన వ్యక్తి ఇది చూశాడు. ఆమె తండ్రి, బంధువులకు ఈ విషయం చెప్పాడు. దీంతో వారు అక్కడకు చేరుకున్నారు. యువకుడు, అతడి స్నేహితుడ్ని నిర్బంధించారు. ఖుదిరాంపల్లిలోని తమ ఇంటికి వారిని తీసుకెళ్లారు. యువకుడ్ని ఇంట్లో బంధించి కొట్టారు. అతడి తండ్రిని అక్కడకు పిలిపించారు. బాలిక కుటుంబ సభ్యులు ఆ ముగ్గురిపై దాడి చేశారు. వారి దుస్తులు విప్పించారు. నగ్నంగా నడవాలని లేకపోతే కాల్చిచంపుతామంటూ తుపాకీతో బెదిరించారు. ఆ వీధిలో కొంతదూరం వరకు ఆ ముగ్గురిని నగ్నంగా ఊరేగించి శిక్షించారు.

మరోవైపు ఈ సంఘటనకు సంబంధించిన వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో ఇది పోలీసుల దృష్టికి వెళ్లింది. ఈ నేపథ్యంలో పోలీసులు దర్యాప్తు చేశారు. బాలిక తండ్రితో సహా ముగ్గురు వ్యక్తులను అరెస్ట్‌ చేశారు. పలు సెక్షన్ల కింద వారిపై కేసు నమోదు చేసి దర్యాప్తు చేస్తున్నట్లు పోలీస్‌ అధికారి తెలిపారు.