Kia India | ప్రముఖ కార్ల తయారీ సంస్థ ‘కియా ఇండియా’ ఇన్స్టాగ్రామ్ అకౌంట్ హ్యాక్కు గురైంది. మంగళవారం ఉదయం గుర్తు తెలియని సైబర్ నేరగాళ్లు ఇన్స్టాగ్రామ్ అకౌంట్ను హ్యాక్ చేశారు. అకౌంట్ను హ్యాక్ చేసిన హ్యాకర్లు ‘మమ్మల్ని గుర్తుపట్టారా..? పార్టీ టైం..?’ అంటూ ఓ వీడియో క్లిప్ను కూడా పోస్టు చేశారు. ఈ విషయాన్ని కియా ఇండియా ధృవీకరించింది.
గుర్తుతెలియని హ్యాకర్లు కంపెనీకి చెందిన ఇన్స్టాగ్రామ్ అకౌంట్ను మంగళవారం ఉదయం హ్యాక్ చేసినట్లు తెలిపింది. ‘కియా ఇండియాకు చెందిన ఇన్స్టాగ్రామ్ ఖాతా నిజంగా హ్యాక్కు గురైంది. వీలైనంత త్వరగా దాన్ని పునరుద్ధరించడానికి కంపెనీ ప్రయత్నిస్తోంది’ అంటూ ఓ ప్రకటనలో తెలిపింది.