King Cobra: 16 అడుగుల పొడువైన‌ కింగ్ కోబ్రాను ప‌ట్టుకున్న రోషిణి.. వీడియో

King Cobra: కేర‌ళ‌కు చెందిన మ‌హిళా ఫారెస్ట్ బీట్ ఆఫీస‌ర్ రోషిణి ఓ భారీ కింగ్ కోబ్రాను ప‌ట్టుకున్న‌ది. ఆ ఘ‌ట‌న‌కు చెందిన వీడియో వైర‌ల్ అవుతున్న‌ది. ఆ వీడియోను రిటైర్డ్ ఫారెస్ట్ ఆఫీస‌ర్ సుశాంత నంద షేర్ చేశాడు.

తిరువ‌నంత‌పురం: కేర‌ళ‌కు చెందిన మ‌హిళా ఫారెస్ట్ బీట్ ఆఫీస‌ర్ ఓ భారీ కింగ్ కోబ్రా(King Cobra)ను ప‌ట్టుకున్న‌ది. ఆ ఘ‌ట‌న‌కు చెందిన వీడియో వైర‌ల్ అవుతున్న‌ది. ఆ వీడియోను రిటైర్డ్ ఫారెస్ట్ ఆఫీస‌ర్ సుశాంత నంద షేర్ చేశాడు. పారుతిప‌ల్లి రేంజ్‌లో బీట్ ఆఫీస‌ర్ జీఎస్ రోహిణి ఆ పామును ప‌ట్టుకున్న‌ది. ఆమె అత్యంత ధైర్య‌సాహ‌సాన్ని ప్ర‌ద‌ర్శించి ఆ స‌ర్పాన్ని బంధించింది. కింగ్ కోబ్రా సుమారు 16 అడుగుల పొడుగు ఉన్న‌ట్లు తెలుస్తోంది. స్నేక్ క్యాచింగ్ స్టిక్ దాన్ని ఆమె ప‌ట్టేసింది. ఆ త‌ర్వాత దాన్ని స‌మీప అడ‌వుల్లో వ‌దిలేశారు.

రిటైర్డ్ ఫారెస్ట్ ఆఫీస‌ర్ సుశాంత నంద .. బీట్ ఆఫీస‌ర్ సాహ‌సాన్ని మెచ్చుకున్నాడు. రోషిణి ప్ర‌స్తుతం కేర‌ళ ర్యాపిడ్ రెస్పాన్స్ టీమ్‌లో ప‌నిచేస్తున్న‌ది. కింగ్ కోబ్రాను ఆమె ప‌ట్టుకోవ‌డం ఇదే మొద‌టిసారి. ఆమె ఇప్ప‌టి వ‌ర‌కు సుమారు 800 పాముల్ని ప‌ట్టుకున్న‌ట్లు నంద త‌న ట్వీట్‌లో తెలిపారు. రోషిణి సాహ‌సాన్ని నెటిజ‌న్లు కూడా మెచ్చుకుంటున్నారు. కేర‌ళ అట‌వీశాఖ‌లో 8 ఏళ్ల నుంచి రోషిణి ప‌నిచేస్తున్న‌ది. కేవ‌లం అయిదు నిమిషాల్లోనే కింగ్ కోబ్రాను ప‌ట్టుకోవ‌డం ప‌ట్ల ఆశ్చ‌ర్యం వ్య‌క్తం చేశారు. ఓ స్నాన‌పు క‌ట్ట వ‌ద్ద ఆ స్నేక్‌ను గుర్తించిన స్థానికులు అట‌వీశాఖ‌కు స‌మాచారం ఇచ్చారు.

My salutations to the green queens & the bravery shown by them in wild🙏

Beat FO G S Roshni, part of Rapid Response Team of Kerala FD rescuing a 16 feet king cobra.This was the 1st time she was tackling a king cobra though she is credited to have rescued more than 800 snakes… pic.twitter.com/E0a8JGqO4c

— Susanta Nanda IFS (Retd) (@susantananda3) July 7, 2025