Shashi Tharoor | అవివేకం.. రాజ్యాంగ విరుద్ధం.. కర్ణాటక లోకల్‌ కోటా బిల్లును తప్పుబట్టిన కాంగ్రెస్‌ ఎంపీ

కర్ణాటకలోని సొంత పార్టీ ప్రభుత్వంపై కేరళకు చెందిన కాంగ్రెస్‌ ఎంపీ, సీడబ్ల్యూసీ సభ్యుడు శశిథరూర్‌ తీవ్ర విమర్శలు చేశారు.

Shashi Tharoor | తిరువనంతపురం: కర్ణాటకలోని సొంత పార్టీ ప్రభుత్వంపై కేరళకు చెందిన కాంగ్రెస్‌ ఎంపీ, సీడబ్ల్యూసీ సభ్యుడు శశిథరూర్‌ తీవ్ర విమర్శలు చేశారు. ప్రైవేటు రంగ సంస్థల ఉద్యోగాల్లో స్థానికులకు రిజర్వేషన్లు తప్పనిసరి చేస్తూ తీసుకొచ్చిన బిల్లును సీఎం సిద్ధరామయ్య నేతృత్వంలోని రాష్ట్ర క్యాబినెట్‌ ఆమోదించడాన్ని ఆయన తప్పుబట్టారు.

ఇది రాజ్యాంగ విరుద్ధమని, అవివేకమైన ఆలోచన అని అభిప్రాయపడ్డారు. శశిథరూర్‌ శుక్రవారం మాట్లాడుతూ ‘ఇది తెలివైన నిర్ణయం కాదు. అలాంటి చట్టాన్ని దేశంలోని ప్రతి రాష్ట్రం తీసుకొస్తే, అది రాజ్యాంగ విరుద్ధం అవుతుంది. రాజ్యాంగం ప్రకారం ప్రతి పౌరుడు దేశంలోని ఏ ప్రాంతంలోనైనా జీవించొచ్చు, పని చేసుకోవచ్చు, ప్రయాణం చేయొచ్చు’ అని పేర్కొన్నారు.