చైనా సరిహద్దుల్లో వాయు సేన విమానం రికార్డ్‌

భారత వాయు సేన (ఐఏఎఫ్‌) విమానం ఇల్యూషిన్‌ ఐఎల్‌-76ఎండీ అత్యంత అరుదైన రికార్డు సాధించింది. 13,629 అడుగుల ఎత్తులో లడఖ్‌లో ఉన్న న్యోమా వైమానిక స్థావరంలో విజయవంతంగా దిగింది. చైనాతో సరిహద్దుల్లోని వాస్తవాధీన రేఖ నుంచి సుమారు 25 కి.మీ. దూరంలో ఈ స్థావరం ఉంది.

న్యూఢిల్లీ : భారత వాయు సేన (ఐఏఎఫ్‌) విమానం ఇల్యూషిన్‌ ఐఎల్‌-76ఎండీ అత్యంత అరుదైన రికార్డు సాధించింది. 13,629 అడుగుల ఎత్తులో లడఖ్‌లో ఉన్న న్యోమా వైమానిక స్థావరంలో విజయవంతంగా దిగింది. చైనాతో సరిహద్దుల్లోని వాస్తవాధీన రేఖ నుంచి సుమారు 25 కి.మీ. దూరంలో ఈ స్థావరం ఉంది.

ఐఏఎఫ్‌ శనివారం ఇచ్చిన పోస్ట్‌లో, వైమానిక రంగ చరిత్రలో సరికొత్త రికార్డు నమోదైందని తెలిపింది. ప్రపంచంలో ఓ విమానం అత్యధిక ఎత్తులో దిగడం ఇదే తొలిసారి అని పేర్కొంది. దీంతో భారత దేశ వ్యూహాత్మక గగనతల రవాణా సామర్థ్యం మరింత బలోపేతమైందని తెలిపింది.