NCI | ప్రకృతి రక్షణ సూచీలో అట్టడుగున భారత్‌

ప్రపంచ ప్రకృతి సంరక్షణ సూచీ(ఎన్‌సీఐ)లో 176 ర్యాంక్‌తో భారత్‌ అట్టడుగున అయిదో స్థానంలో నిలిచింది. జీవ వైవిధ్యం కోల్పోవడం, ఆవాసాల విధ్వంసం, కాలుష్యం, అసమర్థ సంరక్షణ విధానాలను ఈ ర్యాంకింగ్‌ ప్రతిబింబించింది.

NCI | న్యూఢిల్లీ, అక్టోబర్‌ 27: ప్రపంచ ప్రకృతి సంరక్షణ సూచీ(ఎన్‌సీఐ)లో 176 ర్యాంక్‌తో భారత్‌ అట్టడుగున అయిదో స్థానంలో నిలిచింది. జీవ వైవిధ్యం కోల్పోవడం, ఆవాసాల విధ్వంసం, కాలుష్యం, అసమర్థ సంరక్షణ విధానాలను ఈ ర్యాంకింగ్‌ ప్రతిబింబించింది. పురుగు మందులు ఎక్కువగా వాడటం వల్ల భూమి కాలుష్యం ఎక్కువవుతున్నదని.. ఇది వ్యవసాయోత్పత్తి, పర్యావరణ వ్యవస్థపై తీవ్ర ప్రభావం చూపిస్తుందని నివేదిక తెలిపింది. అడవుల నరికివేత కారణంగా 2001-2019 మధ్య కాలంలో భారత్‌ 23,300 చ.కి.మీల పచ్చదనాన్ని కోల్పోయింది. దీనికి అదనంగా వాతావరణ మార్పులు సున్నితమైన పర్యావరణ వ్యవస్థలపై ప్రభావం చూపించాయి.