పిల్లల లైంగిక వేధింపుల ప్రకటనలు తొలగించండి

ఇన్‌స్టాగ్రామ్‌లోని చెల్లింపు ప్రకటనల్లో పిల్లల లైంగిక దోపిడీ, దుర్వినియోగ కంటెంట్‌ ఉండటంపై కేంద్రం మెటాకు నోటీసులు జారీ చేసిందని ఏఎన్‌ఐ వార్తా సంస్థ ఆదివారం పేర్కొంది. వెంటనే ఆ తరహా ప్రకటనలను, సమాచారాన్ని తొలగించాలని ఆదేశించింది.

• మెటాకు కేంద్రం ఆదేశం

న్యూఢిల్లీ : ఇన్‌స్టాగ్రామ్‌లోని చెల్లింపు ప్రకటనల్లో పిల్లల లైంగిక దోపిడీ, దుర్వినియోగ కంటెంట్‌ ఉండటంపై కేంద్రం మెటాకు నోటీసులు జారీ చేసిందని ఏఎన్‌ఐ వార్తా సంస్థ ఆదివారం పేర్కొంది. వెంటనే ఆ తరహా ప్రకటనలను, సమాచారాన్ని తొలగించాలని ఆదేశించింది. ఈ విషయమై ఏడు రోజుల్లోగా వివరణ ఇవ్వాలని మెటాను కోరింది.

ఇన్‌స్టాగ్రామ్‌లో పిల్లల లైంగిక వేధింపుల మెటీరియల్‌ ఉందని బీబీసీ పరిశోధనాత్మక కథనం తెలపడంతో కేంద్రం ఈ చర్యలు తీసుకొంది. బీబీసీ కథనం ప్రకారం మోడరేషన్‌ ప్రక్రియ దాటిన తర్వాతే ఆ తరహా ప్రకటనలు ప్లాట్‌ఫాం మీద కనిపించాయి.