DK Shivakumar | నా బిడ్డను కలిసేందుకు ఎస్‌ఎం కృష్ణ ఇంటికి వెళ్తున్నా : డీకే శివకుమార్‌

DK Shivakumar | కర్ణాటక (Karnataka) లో సీఎం పదవిపై గత కొంతకాలంగా కొనసాగుతున్న వివాదానికి ఇవాళ తాత్కాలికంగా తెరపడింది. అధిష్ఠానం జోక్యంతో ఇవాళ కర్ణాటక సీఎం సిద్ధరామయ్య (Siddaramaiah), డిప్యూటీ సీఎం డీకే శివకుమార్‌ (DK Shivakumar) బ్రేక్‌ఫాస్ట్‌ మీటింగ్‌ ఏర్పాటు చేసుకున్నారు.

DK Shivakumar : కర్ణాటక (Karnataka) లో సీఎం పదవిపై గత కొంతకాలంగా కొనసాగుతున్న వివాదానికి ఇవాళ తాత్కాలికంగా తెరపడింది. అధిష్ఠానం జోక్యంతో ఇవాళ కర్ణాటక సీఎం సిద్ధరామయ్య (Siddaramaiah), డిప్యూటీ సీఎం డీకే శివకుమార్‌ (DK Shivakumar) బ్రేక్‌ఫాస్ట్‌ మీటింగ్‌ ఏర్పాటు చేసుకున్నారు. తమ మధ్య ఎలాంటి విబేధాలు లేవని, ఇద్దరం కలిసికట్టుగా పనిచేస్తామని సమావేశం అనంతరం వారు విడివిడిగా ప్రకటించారు.

ఈ క్రమంలో ఇవాళ మధ్యాహ్నం తన నివాసం నుంచి బయలుదేరిన డీకే శివకుమార్‌ను మీడియా పలుకరించగా.. ఇవాళ తన కుమార్తెను కలిసేందుకు కర్ణాటక మాజీ సీఎం ఎస్‌ఎం కృష్ణ ఇంటికి వెళ్తున్నానని చెప్పారు. ఇవాళ ఆయన ప్రథమ వర్ధంతి కార్యక్రమం ఉన్నదని తెలిపారు. డీకే శివకుమార్‌ తన కుమార్తె ఐశ్వర్యను ఎస్‌ఎం కృష్ణ మనవడు, అమర్త్య హెడ్గేకు ఇచ్చారు.

అమర్త్య హెడ్గే కేఫ్‌ కాఫీ డే వ్యవస్థాపకుడు వీజీ సిద్ధార్థ కుమారుడు. ఎస్‌ఎం కృష్ణ కుమారుడైన వీజీ సిద్ధార్థ అప్పుల భారం పెరగడంతో నదిలో దూకి ఆత్మహత్యకు పాల్పడ్డారు. కర్ణాటక ముఖ్యమంత్రిగా, మహారాష్ట్ర గవర్నర్‌గా, కేంద్ర మంత్రిగా పనిచేసిన ఎస్‌ఎం కృష్ణ 2024 డిసెంబర్ 10న కన్నుమూశారు.