Antarctica | అంటార్కిటికా నుంచి వేరుపడ్డ భారీ మంచుకొండ.. ఢిల్లీ వైశాల్యంతో పోల్చితే 4 రెట్లు ఎక్కువ

అంటార్కిటికాలో దాదాపు 380 చదరపు కిలోమీటర్ల వైశాల్యమున్న భారీ మంచుకొండకు పగళ్లు ఏర్పడి రెండుగా చీలిపోయింది. ఢిల్లీ నగర వైశాల్యంతో పోల్చితే నాలుగు రెట్లు ఉండే ఈ మంచుకొండను సైంటిస్టులు ఏ-83గా పేర్కొంటున్నారు.

Antarctica | న్యూఢిల్లీ, మే 27: అంటార్కిటికాలో దాదాపు 380 చదరపు కిలోమీటర్ల వైశాల్యమున్న భారీ మంచుకొండకు పగళ్లు ఏర్పడి రెండుగా చీలిపోయింది. ఢిల్లీ నగర వైశాల్యంతో పోల్చితే నాలుగు రెట్లు ఉండే ఈ మంచుకొండను సైంటిస్టులు ఏ-83గా పేర్కొంటున్నారు. మే 20న చోటుచేసుకున్న ఈ ఘటనకు సంబంధించి ‘కకోపర్నికస్‌ సెంటినల్‌-1’ శాటిలైట్‌ ఫొటోలు విడుదల చేసింది. త్రిభుజాకారంలో ఉన్న ఏ-83 మంచుకొండ మే 22నాటికి పూర్తిగా చీలిపోయినట్టు శాటిలైట్‌ విడుదల చేసిన రాడార్‌ చిత్రాలు చెబుతున్నాయి.

అంటార్కిటికాలోని ఈ ప్రాంతంలో భారీ మంచు కొండలకు పగుళ్లు రావటం గత నాలుగేండ్లలో ఇది మూడోసారి. ‘మెక్‌డొనాల్డ్‌ ఐస్‌ రంపెల్స్‌’గా పిలుస్తున్న ప్రాంతంలో మంచు కరగటమే ఈ పరిణామానికి కారణమని సైంటిస్టులు భావిస్తున్నారు. అంటార్కిటికాలో వస్తున్న వాతావరణ మార్పులపై ఆందోళన వ్యక్తమవుతున్నది.