హర్యానా ఉపముఖ్యమంత్రికి తృటిలో తప్పిన ప్రమాదం..!

Dushyant Chautala | హర్యానాలో ఆ రాష్ట్ర ఉప ముఖ్యమంత్రి దుశ్యంత్‌ చౌతాలాకు తృటిలో ప్రమాదం తప్పింది. చౌతాలా కాన్వాయ్‌లోని ఓ వాహనం అదుపుతప్పి

న్యూఢిల్లీ: హర్యానాలో ఆ రాష్ట్ర ఉప ముఖ్యమంత్రి దుశ్యంత్‌ చౌతాలాకు తృటిలో ప్రమాదం తప్పింది. చౌతాలా కాన్వాయ్‌లోని ఓ వాహనం అదుపుతప్పి మరో వాహనాన్ని ఢీకొట్టింది. అయితే, ఈ ప్రమాదంలో దుశ్యంత్‌ చౌతాలాకు ఎలాంటి గాయాలు కాలేదు. కానీ ప్రమాదానికి గురైన వాహనంలోని ఒక కమెండోకు మాత్రం స్వల్ప గాయాలయ్యాయి.

దుశ్యంత్ చౌతాలా ఇవాళ తెల్లవారుజామున సిర్సా నుంచి హిస్సార్‌కు వెళ్తుండగా ఈ ప్రమాదం జరిగింది. దట్టమైన పొగమంచు కారణంగా రోడ్డు సరిగా కనిపంచకపోవడంతో ప్రమాదం చోటుచేసుకుందని పోలీసులు తెలిపారు. ప్రమాదంలో దెబ్బతిన్న వాహనానికి బదులుగా మరో వాహనాన్ని తీసుకుని డిప్యూటీ సీఎం కాన్వాయ్‌ అక్కడి నుంచి వెళ్లినట్లు చెప్పారు.