భారత్లో ఎన్నో రకాల స్వీట్స్ ఉన్నాయి. ఒక్కో రాష్ట్రంలో ఒక్కొక్కటి ఫేమస్. కానీ కొన్ని మాత్రం దేశవ్యాప్తంగా బాగా ఫేమస్. అలాంటి స్వీట్స్లో ఒకటి జిలేబీ. తియ్యని పాకంలో నానబెట్టిన జిలేబీ తింటుంటే ఆ ఆనందమే వేరు. మరి అలాంటి జిలేబీని తొలిసారిగా తినే విదేశీయులు ఎలా ఫీలవుతారు? దీనికి సంబంధించిన ఒక వీడియో నెట్టింట తెగ వైరల్ అవుతోంది.
హనుమాన్ గౌడ అనే భారతీయుడు కొలంబియాకు చెందిన కాలెన్ను పెళ్లి చేసుకున్నాడు. ఆమె తన జీవితంలో తొలిసారి జిలేబీ తినడాన్ని కెమెరాలో బంధించాడు. ‘కనీసం ట్రై చేస్తోంది కదా.. తనను క్యాన్సిల్ చెయ్యకండి’ అని క్యాప్షన్తో హనుమాన్ ఈ వీడియోను షేర్ చేశాడు. వీడియో ఆరంభంలో అందమైన చీరకట్టు, బొట్టుతో కనిపించిన కాలెన్.. భర్త చెప్పడంతో జిలేబీ తీసుకుంది.
కొంచెం తిన్న ఆమె.. ‘ఇదేంటి ఇంత జిగురుగా (స్లైమీగా) ఉంది?’ అని అడిగింది. బలవంతం మీద మరో చిన్న ముక్క కొరికి ‘హనీ.. ఇక వద్దు’ అంటూ చేతిలోని జిలేబీని పక్కన ఉన్న వాళ్లకు ఇచ్చేసింది. ఈ వీడియో చూసిన నెటిజన్లు కొందరు ఆమెకు జిలేబీ నచ్చకపోవడం ఏంటని ఆశ్చర్యపోతున్నారు. మరొకరేమో ‘భారతీయ వంటకాలు తినేటప్పుడు ఏమీ ఆలోచించకూడదు. వాటి రుచిని ఆస్వాదించాలంతే’ అని కామెంట్ చేశారు. మీరు కూడా కాలెన్ రియాక్షన్పై ఒకసారి లుక్కేయండి.