శృంగారం కోసం పదే పదే కోరుతున్న వృద్ధ భర్త… విసిగిపోయి హెల్ప్‌లైన్‌కు ఫోన్‌ చేసిన భార్య

ఆ వృద్ధ దంపతుల వయసు తెలుసుకున్న ‘అభయం’ సిబ్బంది తొలుత ఆశ్చర్యపోయారు. ఆ వృద్ధురాలు తన బాధను వెళ్లగక్కడంతో సహాయం చేసేందుకు ముందుకు వచ్చారు.

అహ్మదాబాద్‌: వృద్ధుడైన భర్త పదే పదే శృంగారాన్ని కోరడంతో అతడి భార్య విసిగిపోయింది. చివరకు మహిళా హెల్ప్‌లైన్‌కు ఫోన్‌ చేసింది. గుజరత్‌లోని వడోదరలో ఈ సంఘటన జరిగింది. ఇంజినీర్‌గా రిటైరైన 89 ఏళ్ల వ్యక్తి, 87 ఏళ్ల భార్య చాలా అన్యోన్యంగా జీవిస్తున్నారు. కుమారుడు, కోడలితో కలిసి సయాజిగంజ్ ప్రాంతంలో నివాసంలో ఉంటున్నారు. అయితే వృద్ధుడైన ఆ భర్త ఆ వయసులో కూడా మాటిమాటికి శృంగారాన్ని కోరుతున్నాడు. వయసు పరంగా అనారోగ్యం, శరీరం సహకరించకపోవడంతో అతడి భార్య విసుగుపోయింది. నిరాకరించినందుకు తనపై అరవడం, చిర్రుబుర్రులాడంతో చివరకు మహిళా హెల్ప్‌లైన్‌ ‘అభయం’కు ఆమె ఫోన్‌ చేసింది.

కాగా, ఆ వృద్ధ దంపతుల వయసు తెలుసుకున్న ‘అభయం’ సిబ్బంది తొలుత ఆశ్చర్యపోయారు. ఆ వృద్ధురాలు తన బాధను వెళ్లగక్కడంతో సహాయం చేసేందుకు ముందుకు వచ్చారు. వారి ఇంటికి వెళ్లి ఆమె భర్తకు కౌన్సెలింగ్ ఇచ్చారు. ఆ కోరికలను నియంత్రించుకునేందుకు యోగా చేయడంతోపాటు ఆలయాలు సందర్శించాలని సూచించారు. అలాగే మనసు ఆహ్లాదం కోసం సీనియర్‌ సిటిజన్స్ గార్డెన్లు, పార్కులకు వెళ్లాలని హితబోధ చేశారు.