Doctor Shoots Nurse | మరో వ్యక్తితో సంబంధంపై డాక్టర్‌ ఆగ్రహం.. నర్సుపై కాల్పులు

Doctor Shoots Nurse | మరో వ్యక్తితో సంబంధంపై ఆగ్రహించిన డాక్టర్‌ ఒక నర్సుపై గన్‌తో కాల్పులు జరిపాడు. (Doctor Shoots Nurse) గాయపడిన ఆమెకు చికిత్స అందిస్తున్నారు. కాల్పులు జరిపిన డాక్టర్‌ను పోలీసులు అరెస్ట్‌ చేశారు.

భోపాల్‌: మరో వ్యక్తితో సంబంధంపై ఆగ్రహించిన డాక్టర్‌ ఒక నర్సుపై గన్‌తో కాల్పులు జరిపాడు. (Doctor Shoots Nurse) గాయపడిన ఆమెకు చికిత్స అందిస్తున్నారు. కాల్పులు జరిపిన డాక్టర్‌ను పోలీసులు అరెస్ట్‌ చేశారు. మధ్యప్రదేశ్‌లోని జబల్‌పూర్‌లో ఈ సంఘటన జరిగింది. 34 ఏళ్ల డాక్టర్‌ సందీప్‌ సోనీకి ఆసుపత్రిలో పనిచేసే 27 ఏళ్ల నర్సుతో రిలేషన్‌ ఉంది. అయితే ఆ నర్సు తన పాత స్నేహితుడితో చనువుగా ఉంటున్నది. డాక్టర్‌ సందీప్‌కు ఈ విషయం తెలిసి ఆమెను అనుమానించాడు. ఈ నేపథ్యంలో బుధవారం దీని గురించి నర్సును నిలదీశాడు. ఈ సందర్భంగా వారి మధ్య వాగ్వాదం జరిగింది. ఆగ్రహించిన డాక్టర్‌ సందీప్‌ తన వద్ద ఉన్న దేశీయ రివాల్వర్‌తో నర్సుపై రెండు రౌండ్లు కాల్పులు జరిపాడు. దీంతో ఆమె తీవ్రంగా గాయపడింది.

కాగా, ఈ విషయం తెలిసిన పోలీసులు సంఘటనా స్థలానికి చేరుకున్నారు. కాల్పుల్లో గాయపడిన నర్సును ప్రభుత్వ ఆసుపత్రికి తరలించి చికిత్స అందిస్తున్నారు. డాక్టర్‌ సందీప్‌ను అరెస్ట్‌ చేశారు. హత్యాయత్నం, ఆయుధ చట్టం సెక్షన్ల కింద కేసు నమోదు చేసి దర్యాప్తు చేస్తున్నారు.