Delhi Metro Stations: అక్టోబ‌ర్ 10 నిర‌స‌న నేప‌థ్యంలో.. 57 మెట్రో స్టేష‌న్లు మూసివేత !

Delhi Metro Stations: ఢిల్లీలోని జంత‌ర్ మంత‌ర్ వ‌ద్ద అక్టోబ‌ర్ 10వ తేదీన భారీ నిర‌స‌న ప్ర‌ద‌ర్శ‌న చేప‌ట్టేందుకు కాక్రోచ్ జ‌న‌తా పార్టీ సిద్ద‌మైన విష‌యం తెలిసిదే. 57 మెట్రో స్టేష‌న్ల‌కు చెందిన ఎంట్రీ, ఎగ్జిట్ గేట్ల‌ను మూసివేయాల‌ని ఢిల్లీ మెట్రో రైల్ కార్పొరేష‌న్‌ను పోలీసులు రిక్వెస్ట్ చేశారు.

న్యూఢిల్లీ: ఢిల్లీలోని జంత‌ర్ మంత‌ర్ వ‌ద్ద అక్టోబ‌ర్ 10వ తేదీన భారీ నిర‌స‌న ప్ర‌ద‌ర్శ‌న చేప‌ట్టేందుకు కాక్రోచ్ జ‌న‌తా పార్టీ సిద్ద‌మైన విష‌యం తెలిసిదే. స‌ర్ ప్ర‌క్రియ‌లో జ‌రిగిన ఓట్ల చోరీ అంశం దృష్ట్యా.. సీఈసీ జ్ఞానేశ్ కుమార్‌ను తొల‌గించాల‌ని కోరుతూ సీజేపీ డిమాండ్ చేస్తున్న‌ది. అయితే శ‌నివారం జ‌ర‌గ‌న‌నున్న నిర‌స‌న ప్ర‌ద‌ర్శ‌న నేప‌థ్యంలో.. ఢిల్లీ పోలీసులు ముంద‌స్తు జాగ్ర‌త్త‌లు తీసుకుంటున్నారు. ఢిల్లీలోని 57 మెట్రో స్టేష‌న్ల‌(Delhi Metro Stations)కు చెందిన ఎంట్రీ, ఎగ్జిట్ గేట్ల‌ను మూసివేయాల‌ని ఢిల్లీ మెట్రో రైల్ కార్పొరేష‌న్ ను రిక్వెస్ట్ చేశారు. శుక్ర‌వారం రాత్రి 9 నుంచి , అక్టోబ‌ర్ 10వ తేదీన ప‌రిస్థితి మెరుగుప‌డే వ‌ర‌కు మెట్రో స్టేష‌న్ల‌ను మూసివేయ‌నున్నారు.

రాజీవ్ చౌక్‌, సెంట్ర‌ల్ సెక్ర‌టేరియేట్‌, ప‌టేల్ చౌక్‌, జ‌న్‌ప‌థ్‌, న్యూఢిల్లీ, మండీ హౌజ్‌, ఐటీవో, సుప్రీంకోర్టు, ఇంద్ర‌ప్ర‌స్థ‌, క‌శ్మీర్ గేట్‌, క‌రోల్ బాగ్‌, ఐఎన్ఏ, హౌజ్ ఖాస్‌, ల‌జ్‌ప‌త్ న‌గ‌ర్‌, జామియా మిలియా ఇస్లామియా, సీలాంపుర్, వెల్క‌మ్‌, షాదార‌, రితాల‌, రోహిణి ఈస్ట్‌, రోహిణి వెస్ట్ స్టేష‌న్లు ఉన్నాయి. సంబంధిత అధికారులు, సిబ్బందికి ఆదేశాలు ఇవ్వాల‌ని డీఎంఆర్సీని పోలీసులు కోరారు. మ‌రో వైపు త‌మ కార్య‌క‌ర్త‌ల‌ను అరెస్టు చేస్తున్నార‌ని సీజేపీ నేత అభిజీత్ దీప్కే తెలిపారు.