Sukesh Chandrashekhar: మై బేబీ గ‌ర్ల్‌.. ఐ ల‌వ్ యూ.. జాక్వెలిన్‌కు సుకేశ్ హోలీ గ్రీటింగ్స్‌

Sukesh Chandrashekhar:జాక్వెలిన్‌కు హోలీ విషెస్ చెప్పాడు సుకేశ్‌. మై బేబీ గ‌ర్ల్‌.. ఐ ల‌వ్ యూ అంటూ ఆమెకు లెట‌ర్ రాశాడు. మ‌నీల్యాండ‌రింగ్ కేసులో ప్ర‌స్తుతం సుకేశ్ జైలు జీవితం అనుభ‌విస్తున్న విష‌యం తెలిసిందే.

న్యూఢిల్లీ: మ‌నీల్యాండ‌రింగ్(Money Laundering) కేసులో జైలు శిక్ష అనుభ‌విస్తున్న సుకేశ్ చంద్ర‌శేఖ‌ర్(Sukesh Chandrashekhar) ఇవాళ బాలీవుడ్ హీరోయిన్ జాక్వెలిన్ ఫెర్నాండేజ్‌(Jacqualine Fernandez)కు హోలీ శుభాకాంక్ష‌లు తెలిపాడు. ఢిల్లీలోని మండోలిన్ జైలులో ఉన్న అత‌ను మీడియాకు ఓ లేఖ‌ను రిలీజ్ చేశాడు. వ్యాపార‌వేత్త‌ల నుంచి కోట్లు వసూల్ చేసిన కాన్‌మాన్ సుకేశ్ త‌న ప్రేయ‌సి జాక్వెలిన్ గురించి ఆ ప్రేమ లేఖ‌లో ప్ర‌స్తావ‌న చేశాడు. జాక్వెలిన్‌కు హోలీ గ్రీటింగ్స్ చెప్పిన అత‌ను.. ఆ హీరోయిన్‌ను బేబీ గ‌ర్ల్ అంటూ సంబోధించాడు. ఆమె కోసం ఎంత దూర‌మైనా వెళ్తాను అంటూ లేఖ‌లో పేర్కొన్నాడు. ఇక ఐ ల‌వ్ యూ అంటూ లెట‌ర్‌ను సైనాఫ్ చేశాడు.

సుకేశ్ త‌న చేతితో రాసిన లేఖ‌లో జాక్వెలిన్‌ను పొగ‌డ్త‌ల‌తో ముంచెత్తాడు. అంద‌మైన‌, అద్భుత‌మైన వ్య‌క్తి జాక్వెలిన్‌కు హోలీ గ్రీటింగ్స్(Holy Greetings) చెబుతున్నాన‌ని, రంగుల పండుగ రోజున నీకో ప్రామిస్ చేస్తున్నాన‌ని, నీ జీవితంలో వాడిపోయిన రంగుల్ని మ‌ళ్లీ వంద రెట్ల‌తో రెట్టింపు చేయ‌నున్న‌ట్లు చెప్పాడు. నీ కోసం ఎంత దూర‌మైనా వెళ్తాన‌న్న విష‌యం నీకు తెలుసు అని, మై బేబీ గ‌ర్ల్‌.. ఐ ల‌వ్ యూ అంటూ లేఖ‌లో తెలిపాడు.

ఇటీవ‌ల మండోలి జైలు గ‌దిలో సుకేశ్ విలాసవంత‌మైన వ‌స్తువుల‌తో అధికారుల‌కు దొరికిన విష‌యం తెలిసిందే. 200 కోట్ల మ‌నీల్యాండ‌రింగ్ కేసులో సుకేశ్‌ను అరెస్టు చేశారు. ఈ కేసులో బాలీవుడ్ హీరోయిన్లు జాక్వెలిన్ ఫెర్నాండేజ్‌, నోరా ఫ‌తేహ్(Nora Fateh) ల‌ను పోలీసులు విచారించారు.