CISF Saves French Man | అపస్మారక స్థితిలో ఫ్రెంచ్ జాతీయుడు.. రక్షించిన సీఐఎస్‌ఎఫ్‌ సిబ్బంది

CISF Saves French Man | ఫ్రెంచ్ జాతీయుడు అపస్మారక స్థితిలో పడిపోయాడు. స్పందించిన సీఐఎస్‌ఎఫ్‌ సిబ్బంది ఆ వ్యక్తికి సీపీఆర్‌ చేశాడు. ఫ్రాన్స్‌ దేశీయుడి ప్రాణాలు కాపాడాడు. (CISF Saves French Man) దేశ రాజధాని ఢిల్లీలోని ఇందిరాగాంధీ అంతర్జాతీయ విమానాశ్రయంలో ఈ సంఘటన జరిగింది.

న్యూఢిల్లీ: ఫ్రెంచ్ జాతీయుడు అపస్మారక స్థితిలో పడిపోయాడు. స్పందించిన సీఐఎస్‌ఎఫ్‌ సిబ్బంది ఆ వ్యక్తికి సీపీఆర్‌ చేశాడు. ఫ్రాన్స్‌ దేశీయుడి ప్రాణాలు కాపాడాడు. (CISF Saves French Man) దేశ రాజధాని ఢిల్లీలోని ఇందిరాగాంధీ అంతర్జాతీయ విమానాశ్రయంలో ఈ సంఘటన జరిగింది. జనవరి 26న 63 ఏళ్ల ఫ్రెంచ్ జాతీయుడు బెర్ట్రాండ్ పాట్రిక్ ఎయిర్ విస్తారా విమానంలో పారిస్‌కు వెళ్లేందుకు ఢిల్లీ ఎయిర్‌పోర్ట్‌కు చేరుకున్నాడు. సెక్యూరిటీ చెక్ కోసం క్యూలో నిల్చొన్నాడు. వృద్ధుడైన ఆ వ్యక్తి ఉన్నట్టుండి స్పృహతప్పి పడిపోయాడు.

కాగా, ఎక్స్-రే స్కానర్‌ వద్ద విధుల్లో ఉన్న సీఐఎస్‌ఎఫ్‌ సబ్ ఇన్‌స్పెక్టర్ పునీత్ కుమార్ తివారీ ఇది చూసి వెంటనే స్పందించాడు. ఫ్రెంచ్‌ జాతీయుడికి కార్డియో పల్మోనరీ రిససిటేషన్ (సీపీఆర్‌) చేశాడు. దీంతో బెర్ట్రాండ్ పాట్రిక్ తిరిగి స్పృహలోకి వచ్చాడు. ఆ వెంటనే ఎయిర్‌పోర్ట్‌లో ఉన్న డాక్టర్‌ను రప్పించి ఆయనకు ప్రాథమిక చికిత్స అందించారు. ఆయన విమానంలో ప్రయాణించవచ్చని డాక్టర్‌ నిర్ధారించారు. ఢిల్లీ ఎయిర్‌పోర్ట్‌ అధికారులు ఈ విషయం తెలిపారు. సీఐఎస్‌ఎఫ్‌ సిబ్బంది అప్రమత్తత, సకాలంలో స్పందించడంతో ఒక వ్యక్తి ప్రాణాలు కాపాడినట్లు వెల్లడించారు.