వంట పాత్రలతో క్యాన్సర్‌ ముప్పు!

మన ఇంట్లో వంట చేసుకునేందుకు వాడుకునే పాత్రలు, గిన్నెలతో క్యాన్సర్‌ ముప్పు ఉందని తాజా అధ్యయనంలో తేలింది.

• సదరన్‌ కాలిఫోర్నియా వర్సిటీ శాస్త్రవేత్తల పరిశోధన

న్యూఢిల్లీ, ఆగస్టు 9: మన ఇంట్లో వంట చేసుకునేందుకు వాడుకునే పాత్రలు, గిన్నెలతో క్యాన్సర్‌ ముప్పు ఉందని తాజా అధ్యయనంలో తేలింది. ‘ఫర్‌ ఎవర్‌ కెమికల్స్‌’ అని పిలిచే సింథటిక్‌ కెమికల్స్‌ సాధారణంగా ఆహారపదార్థాల ప్యాకేజింగ్‌ లేదా కొన్నిరకాల వంటపాత్రల్లో ఉంటాయి. పర్‌ ఫ్లోరో ఆక్టేన్‌ సల్ఫేట్‌ (పీఎఫ్‌ఏఎస్‌) అనే కెమికల్స్‌.. నాన్‌ స్టిక్‌ వంట పాత్రలు, నల్లాలు, సముద్రపు ఆహారం, వాటర్‌ ప్రూఫ్‌ బట్టలు, శుభ్రపరిచే ఉత్పత్తులు, ఆఖరికి షాంపూలలో కూడా ఉంటాయి. ఈ కెమికల్స్‌ వల్ల లివర్‌క్యాన్సర్‌ బారిన పడే ప్రమాదం ఉన్నదని సదరన్‌ కాలిఫోర్నియా యూనివర్సిటీకి చెందిన శాస్త్రవేత్తల పరిశోధనల్లో వెల్లడైంది. ఈ కెమికల్స్‌కు తక్కువగా ప్రభావితమైన వారితో పోల్చుకుంటే ఎక్కువగా ఎక్స్‌పోజ్‌ అయిన వారు 4.5 రెట్లు ఎక్కువగా క్యాన్సర్‌ బారిన పడే ప్రమాదం ఉన్నదని గుర్తించారు.