భుజ్‌ సెక్టార్‌లో 22 మంది పాక్‌ మత్స్యకారులు అరెస్ట్.. 79 ఫిషింగ్‌ బోట్స్‌ సీజ్‌..!

Border security force | గుజరాత్‌లోని భుజ్‌ సెక్టార్‌లో సరిహద్దు భద్రతా దళం (బీఎస్‌ఎఫ్‌).. పాకిస్థాన్‌కు చెందిన 22 మంది మత్స్యకారులను అదుపులోకి తీసుకుంది. మొత్తం

న్యూఢిల్లీ: గుజరాత్‌లోని భుజ్‌ సెక్టార్‌లో సరిహద్దు భద్రతా దళం (బీఎస్‌ఎఫ్‌).. పాకిస్థాన్‌కు చెందిన 22 మంది మత్స్యకారులను అదుపులోకి తీసుకుంది. మొత్తం 79 ఫిషింగ్‌ బోట్లను సీజ్‌ చేసింది. గుజరాత్‌ బీఎస్‌ఎఫ్‌ 2022లో సాధించిన అచీవ్‌మెంట్స్‌కు సంబంధించి బీఎస్‌ఎఫ్‌ వెల్లడించిన ప్రకటనలో ఈ విషయాన్ని పేర్కొన్నారు.

అంతేగాక రూ.250 కోట్ల విలువ చేసే 50 ప్యాకెట్‌ల హెరాయిన్‌ను, రూ.2.49 కోట్ల విలువచేసే 61 ప్యాకెట్‌ల చరాస్‌ను కూడా స్వాధీనం చేసుకున్నట్లు బీఎస్‌ఎఫ్‌ తన ప్రకటనలో తెలిపింది. అదేవిధంగా 22 మంది భారతీయులు, నలుగురు పాకిస్థానీలు, ఇద్దరు బంగ్లాదేశీయులు, ఇద్దరు కెనడియన్‌లు, ఒక రొహింగ్యాను కూడా ఇల్లీగల్‌ ట్రాన్స్‌బార్డర్‌ యాక్టివీటీస్‌లో ప్రమేయం ఉందన్న కారణంగా అరెస్ట్‌ చేశారు.