Visit:
బెంగళూరు: పెళ్లి ఆహ్వాన పత్రిక పేరుతో వాట్సాప్లో వచ్చిన ఏపీకే ఫైల్ను ఒక అధికారి డౌన్లోడ్ చేసుకున్నారు. దీంతో సైబర్ మోసగాళ్లు ఆయన బ్యాంకు ఖాతాను హ్యాక్ చేసి రూ.10 లక్షలు కొల్లగొట్టారు. ఇది తెలుసుకున్న ఆ అధికారి పోలీసులకు ఫిర్యాదు చేశారు. (Cyber Fraud) కర్ణాటక రాజధాని బెంగళూరులో ఈ సంఘటన జరిగింది. జూలై 14న డిప్యూటీ రేంజ్ ఫారెస్ట్ ఆఫీసర్ మొబైల్ ఫోన్లోని వాట్సాప్కు వెడ్డింగ్ ఇన్విటేషన్ పేరుతో ఏపీకే ఫైల్ వచ్చింది. ఆయన దానిని డౌన్లోడ్ చేశారు. దీంతో సైబర్ నేరగాళ్లు ఆయన మొబైల్ ఫోన్ను హ్యాక్ చేశారు. ఆ అధికారికి చెందిన ‘బ్యాంక్ ఆఫ్ బరోడా’ ఖాతా నుంచి పలు ట్రాన్సాక్షన్స్ ద్వారా రూ. 9,96,659 డ్రా చేశారు.
కాగా, సైబర్ మోసం జరిగినట్లు ఆ అధికారి గ్రహించారు. వెంటనే ఆ ఏపీకే ఫైల్ను డిలీట్ చేశారు. స్థానిక పోలీస్ స్టేషన్కు వెళ్లి ఈ సైబర్ మోసంపై ఫిర్యాదు చేశారు. దీంతో పోలీసులు కేసు నమోదు చేసి దర్యాప్తు చేస్తున్నారు. అనుమానిత ఏపీకే ఫైల్స్ను ఓపెన్ చేయడం లేదా డౌన్లోడ్ చేయడం వంటివి చేయవద్దని పోలీస్ అధికారి సూచించారు.
