cop suspended | వీధి వ్యాపారుల నుంచి ఉచితంగా ఆహారం డిమాండ్‌.. పోలీస్‌ కానిస్టేబుల్‌ సస్పెండ్‌

cop suspended | ఒక పోలీస్‌ కానిస్టేబుల్‌ వీధి వ్యాపారుల నుంచి ఉచితంగా ఆహారం డిమాండ్‌ చేస్తున్నాడు. చిరుతిండ్లు, ఐస్‌క్రీం వంటివి తీసుకుని తినసాగాడు. వ్యాపార సంఘ సభ్యులు దీనిని వీడియో రికార్డ్‌ చేశారు. సోషల్‌ మీడియాలో వైరల్‌ చేయడంతోపాటు పోలీస్‌ అధికారులకు ఫిర్యాదు చేశారు.

లక్నో: ఒక పోలీస్‌ కానిస్టేబుల్‌ వీధి వ్యాపారుల నుంచి ఉచితంగా ఆహారం డిమాండ్‌ చేస్తున్నాడు. చిరుతిండ్లు, ఐస్‌క్రీం వంటివి తీసుకుని తినసాగాడు. వ్యాపార సంఘ సభ్యులు దీనిని వీడియో రికార్డ్‌ చేశారు. సోషల్‌ మీడియాలో వైరల్‌ చేయడంతోపాటు పోలీస్‌ అధికారులకు ఫిర్యాదు చేశారు. (cop suspended) ఈ నేపథ్యంలో ఆ పోలీస్‌ కానిస్టేబుల్‌ను సస్పెండ్‌ చేశారు. ఉత్తరప్రదేశ్‌లోని కాన్పూర్‌లో ఈ సంఘటన జరిగింది. పోలీస్ రెస్పాన్స్ వెహికల్ (పీఆర్వీ)కు చెందిన ఒక కానిస్టేబుల్‌ తరచుగా సమీపంలోని వీధి వ్యాపారుల నుంచి పానీపూరీ, ఐస్‌క్రీమ్‌ వంటివి డిమాండ్‌ చేసి ఉచితంగా తింటున్నాడు.

కాగా, ఆ కానిస్టేబుల్‌ తీరుపై స్థానిక వ్యాపారులు విసిగిపోయారు. ఉచితంగా చిరుతిండి తింటున్న వీడియోను వ్యాపారుల సంఘానికి చెందిన సభ్యులు రికార్డ్ చేశారు. దానిని సోషల్‌ మీడియాలో వైరల్‌ చేశారు.

అలాగే ఆ వీడియో క్లిప్‌ను పోలీస్‌ ఉన్నతాధికారికి షేర్‌ చేయడంతో పాటు ఆ కానిస్టేబుల్‌పై ఫిర్యాదు చేశారు. దీంతో పోలీస్‌ ఉన్నతాధికారి స్పందించారు. ఆ కానిస్టేబుల్‌పై వచ్చిన ఆరోపణలపై దర్యాప్తు చేశారు. నిజమని తేలడంతో ఆయనను సస్పెండ్‌ చేశారు.