Cheetah Helicopter Crash: కూలిన చీతా హెలికాప్ట‌ర్‌.. ఇద్ద‌రు పైలట్లు మిస్సింగ్‌

Cheetah Helicopter crash:చీతా హెలికాప్ట‌ర్ క్రాష్ అయ్యింది. అరుణాచ‌ల్ ప్ర‌దేశ్‌లో అది కూలింది. ఈ ఘ‌ట‌న‌లో ఇద్ద‌రు పైల‌ట్లు అదృశ్య‌మయ్యారు. వారి ఆచూకీ కోసం గాలిస్తున్నారు. ఉయం 9.15 నిమిషాల‌కు ఏటీసీతో చీతా కాంటాక్ట్ మిస్సైంది.

గౌహ‌తి: భార‌తీయ సైన్యానికి చెందిన చీతా హెలికాప్ట‌ర్.. ఇవాళ అరుణాచ‌ల్ ప్ర‌దేశ్‌లో కూలింది. ఆ రాష్ట్రంలోని మండ‌లా ప్రాంతంలో అది కూలిన‌ట్లు తెలుస్తోంది. దాంట్లో ఉన్న ఇద్ద‌రు సిబ్బంది క‌నిపించ‌కుండాపోయారు. లెఫ్టినెంట్ క‌ల్న‌ల్‌తో పాటు ఓ మేజ‌ర్ కూడా మిస్సైన‌ట్లు భావిస్తున్నారు. ఇవాళ ఉద‌యం 9.15 నిమిషాల‌కు ఎయిర్ ట్రాఫిక్ కంట్రోల‌ర్‌తో ఆ హెలికాప్ట‌ర్‌కు సంబంధాలు తెగిపోయిన‌ట్లు ఆర్మీ వ‌ర్గాలు పేర్కొన్నాయి. అరుణాచ‌ల్ ప్ర‌దేశ్‌లోని బోమిడిలా వ‌ద్ద ఆప‌రేష‌న‌ల్ సోర్టీ నిర్వ‌హిస్తున్న స‌మ‌యంలో చీతా హెలికాప్ట‌ర్‌తో కాంటాక్ట్ తెగిపోయిన‌ట్లు ఆర్మీ అధికారులు వెల్ల‌డించారు.