Amul | న్యూఢిల్లీ: అమెరికాలోని భారతీయులకు అమూల్ తాజా పాలు త్వరలో అందుబాటులోకి రాబోతున్నాయి. ఈ పాలను భారత దేశానికి వెలుపల అమ్మబోతుండటం ఇదే తొలిసారి. నాలుగు రకా ల అమూల్ తాజా పాలను అమెరికన్ మార్కెట్లో విక్రయించనున్నట్లు గుజరాత్ కోఆపరేటివ్ మిల్క్ మార్కెటింగ్ ఫెడరేషన్ ఎమ్డీ జయేన్ మెహతా తెలిపారు.
దీనికోసం మిషిగన్ పాల ఉత్పత్తిదారుల సంఘంతో ఒప్పందం కుదుర్చుకున్నామని తెలిపారు. న్యూయార్క్, న్యూజెర్సీ, షికాగో, వాషింగ్టన్, డల్లాస్, టెక్సాస్ తదితర చోట్ల అమూల్ పాలు భారతీయులతోపాటు ఆసియన్లకు మరికొద్ది రోజుల్లో అందుబాటులో ఉంటాయన్నారు.