అమూల్‌, మదర్‌ డెయిరీ పాల ధరల పెంపు

అమూల్‌, మదర్‌ డెయిరీ సంస్థలు పాల ధరలను లీటరుకు రూ.2 నుంచి రూ.4 వరకు పెంచాయి. రైతుల నుంచి కొంటున్న పాల రేట్లు పెరగడం, నిర్వహణ, ప్రాసెసింగ్‌ ఖర్చులు పెరగడంతో ఈ నిర్ణయం తీసుకున్నట్టు తెలిపాయి. అమూల్‌ డెయిరీ ‘3 శాతం పాల కొవ్వు ఉన్న టోన్డ్‌ పాల ధరను లీటరుపై రూ.2, 6 శాతం పాల కొవ్వు ఉన్న పాల ధరను రూ.4 పెంచింది. రోజూ మార్కెట్‌ లో అమ్మే తాజా పాల ప్యాకెట్లపై 4 నుంచి 6 శాతం ధరలను పెంచుతున్నట్టు వెల్లడించింది.

• లీటరుపై రూ.2-4 వరకు పెంచిన సంస్థలు

న్యూఢిల్లీ: అమూల్‌, మదర్‌ డెయిరీ సంస్థలు పాల ధరలను లీటరుకు రూ.2 నుంచి రూ.4 వరకు పెంచాయి. రైతుల నుంచి కొంటున్న పాల రేట్లు పెరగడం, నిర్వహణ, ప్రాసెసింగ్‌ ఖర్చులు పెరగడంతో ఈ నిర్ణయం తీసుకున్నట్టు తెలిపాయి. అమూల్‌ డెయిరీ ‘3 శాతం పాల కొవ్వు ఉన్న టోన్డ్‌ పాల ధరను లీటరుపై రూ.2, 6 శాతం పాల కొవ్వు ఉన్న పాల ధరను రూ.4 పెంచింది. రోజూ మార్కెట్‌ లో అమ్మే తాజా పాల ప్యాకెట్లపై 4 నుంచి 6 శాతం ధరలను పెంచుతున్నట్టు వెల్లడించింది.

ఢిల్లీ-ఎన్‌సీఆర్‌లో అతిపెద్ద పాల సరఫరా సంస్థ అయిన మదర్‌ డెయిరీ బల్క్‌గా అమ్మే టోన్డ్‌ పాలు లీటరుపై రూ.58 నుంచి రూ.60కి పెంచింది. ఫుల్‌ క్రీమ్‌ మిల్క్‌ లీటరు ధరను రూ.72 నుంచి రూ.76కి, ప్యాకెట్లలో అమ్మే టోన్డ్‌ మిల్క్‌ లీటరు ధర రూ.60 నుంచి రూ.62కు పెంచింది. డబుల్‌ టోన్డ్‌ మిల్క్‌ లీటరు ధర రూ.54 నుంచి రూ.56కు చేరింది. ఆవు పాల ధరను లీటరుకు రూ.62 నుంచి రూ.65కు పెంచుతున్నట్టు మదర్‌ డెయిరీ వెల్లడించింది. ఈ రెండు సంస్థలు మే నెలలో ధరలను సవరించాయి. ఆరు నెలల్లోనే మరోసారి పెంచాయి.