Raihan Vadra: ఎగ్జిబిష‌న్ నుంచి ప్రియాంకా గాంధీ కుమారుడి 75 ఫోటోలు తొల‌గింపు

Raihan Vadra: ఢిల్లీలోని బిక‌నేర్ హౌజ్‌లో జ‌రుగుతున్న ఫోటో ఎగ్జిబిష‌న్ నుంచి ప్రియాంకా గాంధీ కుమారుడు రైహ‌న్ వ‌ద్రాకు చెందిన 75 ఫోటోల‌ను తొల‌గించారు. ఆ ఘ‌ట‌న పట్ల బిక‌నీర్ హౌజ్ స్పందించింది. త‌మ ఎగ్జిబిష‌న్‌లో కేవ‌లం వ‌న్య‌ప్రాణులు, సంస్కృతిపై ఫోక‌స్ చేసిన‌ట్లు చెప్పింది.

న్యూఢిల్లీ: ఢిల్లీలోని బిక‌నేర్ హౌజ్‌లో జ‌రుగుతున్న ఫోటో ఎగ్జిబిష‌న్ నుంచి ప్రియాంకా గాంధీ కుమారుడు రైహ‌న్ వ‌ద్రా(Raihan Vadra)కు చెందిన 75 ఫోటోల‌ను తొల‌గించారు. ఆ ఘ‌ట‌న పట్ల బిక‌నీర్ హౌజ్ స్పందించింది. త‌మ ఎగ్జిబిష‌న్‌లో కేవ‌లం వ‌న్య‌ప్రాణులు, సంస్కృతిపై ఫోక‌స్ చేసిన‌ట్లు చెప్పింది. రైహ‌న్ వ‌ద్రా తీసిన ఫోటోలు ఏ కేట‌గిరీలోకి రావ‌ని అధికారులు చెప్పారు. ఫోటోల్లో రాజ‌కీయ సందేశాలు ఉన్న కార‌ణంగా.. వాటిని తొల‌గించాల‌ని ఆదేశించామ‌న్నారు.

నో ఐడియా ఈజ్ ఫైన‌ల్ అన్న టైటిల్‌తో రైహ‌న్ వ‌ద్రా ఎగ్జిబిష‌న్‌లో త‌న ఫోటోల‌ను ప్ర‌ద‌ర్శించారు. ఇటీవ‌ల దేశ రాజ‌ధాని ఢిల్లీలో జ‌రిగిన నిర‌స‌న ప్ర‌ద‌ర్శ‌న‌కు చెందిన ఫోటోలు ఆ డాక్యుమెంట్‌లో ఉన్నాయి. ఎగ్జిబిష‌న్‌లో భాగంగా 105 ఫోటోల‌ను రైహ‌న్ ప్ర‌ద‌ర్శించాడు. దాంట్లో 75 ఫోటోల‌ను తొల‌గించారు. కొన్ని ఫోటోల‌ను తొల‌గించేందుకు రైహ‌న్ నిరాక‌రించారు. కానీ బిక‌నీర్ హౌజ్ సిబ్బంది ఆ ఫోటోల‌ను తొల‌గించారు.

బిక‌నీర్ హౌజ్ వైఖ‌రిని ప్రియాంకా గాంధీ ఖండించారు.