వాక్యమూ మనమే…

పూలే కాదు వాక్యాలూ సున్నితంగా ఉంటాయి చదువుతుంటే మనసుకు మధురంగా ఇగిరిపోని సుగంధం!

పూలే కాదు
వాక్యాలూ సున్నితంగా ఉంటాయి
చదువుతుంటే మనసుకు మధురంగా
ఇగిరిపోని సుగంధం!

వాక్యాలు చదువుతుంటే కూడా దుఃఖం
పొంగి కంటినిండా తడి తడి పొరలు!!

లోకంలో ఉండే అనుభూతులన్నీ గాఢంగా రాస్తే
వాక్యాలలోనూ ప్రాణమే
హృదయపూర్వకంగా చదివితే
ఓహో! వాక్యమూ మనమేనా అనిపిస్తుంది

అవును! మనం రాసే వాక్యం జీవంగా
మనమయే ఉండాలి మరి!
ప్రపంచమంతా చదివి వాక్యంతో మమేకమే

భేషజం లేని
‘ఒక్క తెలంగాణ మాండలిక వాక్యం’
మన తాతముత్తాతలను ప్రత్యక్షం చేస్తుంది
మనం శనార్తులు చెప్పుడే ఆలస్యం

-కందాళై రాఘవాచార్య ,87905 93638