గూడు చెదిరిన పక్షులు

కొట్టడమో నిలువునా చంపడమో హింసంటే ఎట్లా? స్వేదంతో రక్తంతో త్యాగ రంజితమైన పక్షి గూళ్లను కూల్చడమూ నిర్ద్వంద్వంగా సామూహిక హింసనే

కొట్టడమో
నిలువునా చంపడమో
హింసంటే ఎట్లా?
స్వేదంతో రక్తంతో
త్యాగ రంజితమైన
పక్షి గూళ్లను కూల్చడమూ
నిర్ద్వంద్వంగా
సామూహిక హింసనే!

తుపాను రాలేదు
భూకంపమసలే లేదు
అర్ధరాత్రో అపరాత్రో
ఇండ్లు ఖాళీ చేయించి
కొంపలు కూల్చడం
క్రూరత్వానికి పరాకాష్ఠ!

ఈ విధ్వంసపు పునాదుల మీద
ఆకాశమెత్తు నిలబడే
ఆ అహింసామూర్తి
దుఃఖాన్నెవరు ఊహిస్తారు?!

చచ్చేదాకా సర్కారు వసతులున్న
త్యాగాల కుటుంబానికి
నిలువ నీడ లేదని
వగచే నాయకులారా
గూడు చెదిరిన పక్షులు
గుంపులు గుంపులుగా
ఏకమవుతున్నాయి!

-కోట్ల వెంకటేశ్వరరెడ్డి
94402 33261