Health Tips | ఫాస్ట్‌ఫుడ్‌కు ఎక్కువగా అలవాటు పడ్డారా.. అజినమోటో ఎంత ప్రమాదకరమో తెలుసుకోవాల్సిందే!

Health Tips | అజినమోటో.. ఫాస్ట్‌ ఫుడ్‌ సెంటర్లలో కనిపించే పదార్థం. నూడుల్స్‌లో అయితే తప్పనిసరి. మోనోసోడియం గ్లుటమేట్‌.. ఎమ్‌ఎస్‌జీగా పిలుచుకునే ఓ రసాయనం ఇది. దీనివల్ల దీర్ఘకాలంలో ఆరోగ్య సమస్యలు వస్తాయని హెచ్చరిస్తున్నారు నిపుణులు.

Health Tips | అజినమోటో.. ఫాస్ట్‌ ఫుడ్‌ సెంటర్లలో కనిపించే పదార్థం. నూడుల్స్‌లో అయితే తప్పనిసరి. మోనోసోడియం గ్లుటమేట్‌.. ఎమ్‌ఎస్‌జీగా పిలుచుకునే ఓ రసాయనం ఇది. దీనివల్ల దీర్ఘకాలంలో ఆరోగ్య సమస్యలు వస్తాయని హెచ్చరిస్తున్నారు నిపుణులు.

• అజినమోటోకు తలనొప్పి కలిగించే లక్షణం ఉంది. అది కూడా అప్పుడప్పుడూ వచ్చిపోయే చిన్నపాటి శిరోభారం కాదు. తరచూ తీవ్రంగా వేధించే మైగ్రేన్‌ లాంటి సమస్యకు ఇది దారి
  తీస్తుందట.
• గుండె మీద కూడా అజినమోటో ప్రభావం ఉంటుందని చెబుతున్నారు. హృదయ స్పందనను అస్తవ్యస్తం చేయగలదని హెచ్చరిస్తున్నారు.
• నాడీ వ్యవస్థ మీద కూడా పనిచేస్తుందట. నరాలు చైతన్యాన్ని కోల్పోవడం, ఒళ్లంతా మొద్దుబారినట్టు అనిపించడం, పొట్టలో మంట.. తదితర లక్షణాలు కనిపిస్తాయట.
• మహిళల్లో సంతానోత్పత్తి మీద ప్రతికూల ప్రభావం ఉండవచ్చు. శిశువులు కూడా ఈ ఉత్పత్తులకు దూరంగా ఉండాలనే హెచ్చరికలు ఉన్నాయి.
• అధిక రక్తపోటు, మధుమేహం, థైరాయిడ్‌ సమస్య, ఊబకాయం .. వగైరా ఇబ్బందులు అజినమోటో వైపే వేలెత్తి చూపుతాయి.
  కాకపోతే ఇవన్నీ ప్రాథమిక అంచనాలే. మోతాదుకు మించి తీసుకున్నప్పుడు మాత్రం కచ్చితంగా చెడు ప్రభావం ఉంటుందని అధ్యయనాలు చెబుతున్నాయి.