ఇంట్లోనే మాయిశ్చరైజర్‌!

వేసవి కాలం, చలికాలంలోనే కాదు.. వానల వేళా చర్మం రకరకాల సమస్యలను ఎదుర్కొంటూ ఉంటుంది. వర్షకాలంలో చర్మం పొడిబారుతూ ఉంటుంది. దీనికి పరిష్కారం మాయిశ్చరైజర్‌ అప్లయ్‌ చేయడమే! మాయిశ్చరైజర్‌ను ఇంట్లోనే తయారు చేసుకోవచ్చు.

వేసవి కాలం, చలికాలంలోనే కాదు.. వానల వేళా చర్మం రకరకాల సమస్యలను ఎదుర్కొంటూ ఉంటుంది. వర్షకాలంలో చర్మం పొడిబారుతూ ఉంటుంది. దీనికి పరిష్కారం మాయిశ్చరైజర్‌ అప్లయ్‌ చేయడమే! మాయిశ్చరైజర్‌ను ఇంట్లోనే తయారు చేసుకోవచ్చు.

• బాదం నూనె, జోజోబా నూనె రెండిటినీ సమపాళ్లలో తీసుకుని బాగా మిక్స్‌ చేసుకోవాలి. ఈ మిశ్రమాన్ని రాత్రి పడుకునే ముందు ముఖానికి, కాళ్లకు, చేతులకు రాసుకుని సున్నితంగా మసాజ్‌ చేసుకోవాలి.
• ఒక టేబుల్‌ స్పూన్‌ ఆలివ్‌ ఆయిల్‌లో రెండు టేబుల్‌ స్పూన్ల షియా బటర్‌ కలపాలి. దీనిని మాయిశ్చరైజర్‌గా ఉపయోగిస్తే పొడి చర్మం సమస్య తగ్గుముఖం పడుతుంది.
• గ్లిజరిన్‌, రోజ్‌ వాటర్‌, కలబంద గుజ్జు సమానంగా తీసుకుని బాగా మిక్స్‌ చేసుకోవాలి. ఈ మిశ్రమాన్ని చర్మానికి అప్లయ్‌ చేస్తూ ఉండాలి. దీంతో చర్మం హైడ్రేటెడ్‌గా మారడమే కాకుండా నిగనిగలాడుతూ ఉంటుంది.
• రెండు టేబుల్‌ స్పూన్ల కొబ్బరినూనె, ఒక టేబుల్‌ స్పూన్‌ ఆర్గాన్‌ ఆయిల్‌, మందారపూల పొడిని కలిపి మిశ్రమంలా చేసుకోవాలి. ఈ మిశ్రమంలో రోజ్‌ వాటర్‌ కలిపి ముఖానికి రాసుకుంటే మంచి గుణం కనిపిస్తుంది.