Woman, Daughter Bricked Into Wall | మహిళ, ఆమె కుమార్తెను గదిలో బంధించి.. గోడ కట్టిన బంధువులు

Woman, Daughter Bricked Into Wall | మహిళ, ఆమె కుమార్తెను గదిలో బంధించిన బంధువులు వారు బయటకు రాకుండా గోడ కట్టారు. దీంతో వారిద్దరూ ఆ గదిలో చిక్కుకుపోయారు. ఇది గమనించిన పొరుగువారు పోలీసులకు సమాచారం ఇచ్చారు.

ఇస్లామాబాద్‌: మహిళ, ఆమె కుమార్తెను గదిలో బంధించిన బంధువులు వారు బయటకు రాకుండా గోడ కట్టారు. (Woman, Daughter Bricked Into Wall) దీంతో వారిద్దరూ ఆ గదిలో చిక్కుకుపోయారు. ఇది గమనించిన పొరుగువారు పోలీసులకు సమాచారం ఇచ్చారు. దీంతో ఆ గోడను పగులగొట్టి గదిలో బంధీలుగా ఉన్న మహిళ, ఆమె కుమార్తెను కాపాడారు. పాకిస్థాన్‌లోని సింధ్‌ జిల్లాలో ఉన్న హైదరాబాద్‌లో ఈ సంఘటన జరిగింది. లతీఫాబాద్ నంబర్ 5 ప్రాంతంలో ఆస్తి తగాదాల వల్ల ఒక మహిళ, యుక్త వయసులో ఉన్న ఆమె కుమార్తెను బంధువులు ఒక గదిలో బంధించారు. వారు బయటకు రాకుండా ఆ గది బయట గోడ నిర్మించారు.

కాగా, పొరుగున ఉన్న వారు ఇది చూసి షాక్‌ అయ్యారు. వెంటనే పోలీసులకు సమాచారం ఇచ్చారు. దీంతో అక్కడకు చేరుకున్న పోలీసులు గదిని మూసేస్తూ కట్టిన గోడను పగులగొట్టారు. గది లోపల నిర్బంధించిన తల్లీకుమార్తెలను కాపాడారు.

మరోవైపు ఇంటిని కాజేసేందుకు బావ సుహైల్‌, అతడి కుమారులు తమను వేధిస్తున్నారని ఆ మహిళ ఆరోపించింది. తమ ఇంటికి సంబంధించిన ఆస్తి పత్రాలు కూడా వారి వద్ద ఉన్నాయని పోలీసులకు ఫిర్యాదు చేసింది. దీంతో ఈ సంఘటనపై కేసు నమోదు చేసి దర్యాప్తు చేస్తున్నారు.