Family Visa | యూకే ఫ్యామిలీ స్పాన్సర్‌ వీసా మరింత కఠినతరం.. ఆదాయ పరిమితి 55 శాతానికి పెంపు

Family Visa | వలసలను అడ్డుకునేందుకు యూకే ప్రభుత్వం (UK government) మరో కీలక ముందడుగు వేసింది. ఈ మేరకు కుటుంబ వీసా నిబంధనలను మరింత కఠినతరం చేసింది.

Family Visa | వలసలను అడ్డుకునేందుకు యూకే ప్రభుత్వం (UK government) మరో కీలక ముందడుగు వేసింది. ఈ మేరకు కుటుంబ వీసా నిబంధనలను మరింత కఠినతరం చేసింది. యూకేకు వచ్చే వారికి ఫ్యామిలీ వీసా (Family Visa)ను స్పాన్సర్‌ చేసే బ్రిటన్‌ పౌరులు, నివాసితులపై కనిష్ఠ ఆదాయ పరిమితిని భారీ స్థాయిలో పెంచేసింది.

బ్రిటిష్‌ పౌరులు, శాశ్వత నివాసితులు తమ బంధువులను కుటుంబ వీసాపై తీసుకురావాలనుకుంటే అందుకు కనీస వార్షిక వేతన పరిమితిని ఏకంగా 55 శాతానికి పెంచింది. ప్రస్తుత ఆదాయ పరిమితి 18,600 పౌండ్లుగా ఉండగా దానిని 29,000 పౌండ్లకు చేర్చుతూ కీలక నిర్ణయం తీసుకుంది. ఈ సవరణ తక్షణమే అమల్లోకి వస్తుందని ప్రకటించింది. అంతేకాదు, వచ్చే ఏడాది నుంచి వృత్తి నిపుణుల వీసా నిబంధనలతో సమానంగా కుటుంబ వీసాల కోసం వేతన పరిమితిని 38,700 పౌండ్లకు పెంచనున్నట్లు సునాక్‌ ప్రభుత్వం వెల్లడించింది.

కాగా, ఉపాధి వీసా నిబంధనలను మరింత కఠినతరం చేస్తూ గతేడాది డిసెంబర్‌లోనే యూకే ప్రభుత్వం హౌస్‌ ఆఫ్‌ కామన్స్‌లో ఓ బిల్లును ప్రవేశపెట్టింది. కుటుంబ వీసా కోసం వేతన పరిమితి 38,700 పౌండ్లకు పెంచాలని నిర్ణయించింది. అయితే, దీనిపై పెద్ద ఎత్తున విమర్శలు వెల్లువెత్తడంతో వెనక్కి తగ్గింది. రెండు దశల్లో ఈ పెంపును అమలు చేస్తామని ప్రకటించింది.

Also Read..

Bengaluru cafe blast | బెంగళూరు కేఫ్‌లో పేలుడు కేసు.. ఎన్‌ఐఏ అదుపులో ఇద్దరు కీలక నిందితులు

Lok Sabha Elections | మూడో విడుత నామినేషన్లు షురూ.. 94 ఎంపీ స్థానాల్లో మే 7న పోలింగ్‌

Om Bheem Bush | ఓం భీమ్ బుష్‌ను థియేటర్లలో మిస్సయ్యారా.. మీ కోసమే ఈ అప్‌డేట్‌..!