Stampede | యెమెన్‌లో తొక్కిసలాట.. 85 మంది మృతి, 322 మందికిపైగా గాయాలు

అరేబియన్‌ దేశాల్లో ఒకటైన యెమెన్‌ (Yemen) రాజధాని సనాలో విషాదం చోటుచేసుకున్నది. రంజాన్‌ (Ramadan) సందర్భంగా సనాలో (Sanaa) ఏర్పాటుచేసిన ఆర్థిక సాయం పంపిణీ (Charity distribution) కార్యక్రమంలో తొక్కిసలాట (Stampede) జరిగింది. దీంతో 85 మందికిపైగా మరణించారు. 322 మందికిపైగా గాయపడ్డారు.

సనా: అరేబియన్‌ దేశాల్లో ఒకటైన యెమెన్‌ (Yemen) రాజధాని సనాలో విషాదం చోటుచేసుకున్నది. రంజాన్‌ (Ramadan) సందర్భంగా సనాలో (Sanaa) ఏర్పాటుచేసిన ఆర్థిక సాయం పంపిణీ (Charity distribution) కార్యక్రమంలో తొక్కిసలాట (Stampede) జరిగింది. దీంతో 85 మందికిపైగా మరణించారు. 322 మందికిపైగా గాయపడ్డారు.

ముస్లింలకు అత్యంత పవిత్రమైన రంజాన్‌ సందర్భంగా సనాలోని బాల్‌ అల్‌-యెమెన్‌ (Bab al-Yemen) ప్రాంతంలో ఓ స్వచ్ఛంద సంస్థ ప్రజలకు ఆర్థిక సాయం అందిస్తున్నది. దీంతో ఆర్థిక సాయం కోసం ప్రజలు పెద్దసంఖ్యలో ఎగబడ్డారు. ఈ సందర్భంగా ఒకరినొకరు తోసుకోవడంతో అక్కడ తీవ్ర గందరగోళం నెలకొంది. అదికాస్త తొక్కిసలాటకు దారితీయడంతో 85 మందికిపైగా మరణించారు. వారిలో మహిళలు, చిన్నారులు కూడా ఉన్నాయని హుతి సెక్యూరిటీ ఆఫీసర్‌ ఒకరు తెలిపారు. ఈ ప్రమాదంలో 322 మందికిపైగా గాయపడ్డారని, వారందరిని సమీపంలోని దవాఖానలకు తరించామన్నారు. నిర్వాహకుల్లో ఇద్దరిని అదుపులోకి తీసుకున్నట్లు వెల్లడించారు.

పెద్దసంఖ్యలో జనాలు ప్రాణాలు కోల్పోవడంతో వారి సంబంధీకులు భారీగా అక్కడికి చేరుకున్నారు. దీంతో సైన్యం ఆ ప్రాంతాన్ని తమ ఆదీనంలోకి తీసుకున్నదని చెప్పారు. మృతుల సంఖ్య మరింత పెరిగే అవకాశం ఉందని తెలిపారు. కాగా, మృతుల సంఖ్యపై ఇంకా స్పష్టత రాలేదని హుతి అంతర్గత వ్యవహారాల మంత్రి వెల్లడించారు. కొందరు వ్యాపారులు ప్రజలకు ఆర్థిక సాయం చేయడానికి ఈ కార్యక్రామన్ని ఏర్పాటు చేశారన్నారు. గత నెల రోజుల్లో పాకిస్థాన్‌లో కూడా ఇలాంటి ఘటనలే చోటుచేసుకున్న విషయం తెలిసిందే. పంజాబ్‌ ప్రావిన్స్‌, కరాచీల్లో ఉచిత పిండి పంపిణీ, నిత్యావసరాల పంపిణీ జరిగిన తొక్కిసలాటల్లో సుమారు 40 మంది చనిపోయారు.