Butter Chicken Curry : రెస్టారెంట్ నుంచి బటర్ చికెన్ కొనుగోలు చేసి తినిన వెంటనే ఓ వ్యక్తి ప్రాణాలు కోల్పోయిన ఘటన బ్రిటన్లో వెలుగుచూసింది. చికెన్ కర్రీలో ఉన్న నట్స్ అలర్జిక్ రియాక్షన్తో 27 ఏండ్ల వ్యక్తి మరణించారు. ఇంటికి వచ్చిన అనంతరం చికెన్ కర్రీ కొద్దిగా తీసుకోగానే కార్డియాక్ అరెస్ట్తో కుప్పకూలాడు. ఇంగ్లండ్లోని గ్రేటర్ మాంచెస్టర్ పరిధిలో బురీ ప్రాంతానికి చెందిన జోసెఫ్ హిగ్గిన్సన్ అనఫిలాక్సిక్గా పిలిచే నట్స్, ఆల్మండ్స్ ఎలర్జీతో బాధపడుతుంటారు.
ఇది ప్రాణాంతక అలర్జీ రియాక్షన్. జోసెఫ్ హిగ్గిన్సన్ తీసుకున్న బటర్ చికెన్ లేబుల్పై స్పష్టంగా ఇందులో ఆల్మండ్స్ ఉన్నాయని అలర్జీ సమాచారం పొందుపరిచారు. అయితే జోసెఫ్ గతంలో నట్లు ఉన్న డిష్లను తీసుకున్నా ఎలాంటి సమస్యలూ ఉత్పన్నం కాలేదని డిజిటల్ న్యూస్ పోర్టల్ మిర్రర్ పేర్కొంది. అయితే బాదం పప్పులతో కూడిన బటర్ చికెన్ కర్రీని కొద్దిగా తీసుకున్న వెంటనే హిగ్గిన్సన్ అలర్జీ రియాక్షన్తో ప్రాణాలు కోల్పోయారు.
హిగ్గిన్సన్ అనఫిలాక్సిస్తో కన్నుమూశారని దర్యాప్తులో వెల్లడైంది. ఈ ఘటనలో టేక్ అవే తప్పిదమేమీ లేదని పోలీసులు నిగ్గుతేల్చారు. ఆయనకు తన అలర్జీల గురించి తెలుసని, ఏదైనా డిష్ తీసుకునే ముందు విధిగా అలర్జీలకు సంబంధించిన సమాచారాన్ని తెలుసుకుంటాడని హిగ్గిన్సన్ కుటుంబసభ్యులు తెలిపారు.
Read More :
వంట గ్యాస్ ధర తగ్గింపు రాజకీయ ఎత్తుగడ : మోదీ సర్కార్పై భగ్గుమన్న విపక్షం