Kusum pharma | ర‌ష్యా-ఉక్రెయిన్ యుద్ధం.. ఉక్రెయిన్‌లోని భార‌త ఫార్మాపై ర‌ష్యా ఎటాక్‌..!

Kusum pharma | రష్యా-ఉక్రెయిన్ యుద్ధం (Russia-Ukraine war) గ‌డిచిన ఐదేళ్లుగా కొన‌సాగుతూనే ఉంది. ఈ క్ర‌మంలో తాజాగా ఉక్రెయిన్‌లోని భారతీయ ఫార్మా కంపెనీ (Indian Pharma Company) పై భీకర దాడి జరిగింది. రష్యా ప్రయోగించిన డ్రోన్‌లు (Drones) సుమీ నగరంలోని 'కుసుమ్ గ్రూప్ (Kusum Group)స‌ కు చెందిన ఫార్మా ప్లాంట్‌ను లక్ష్యంగా చేసుకున్నాయి.

Kusum pharma : రష్యా-ఉక్రెయిన్ యుద్ధం (Russia-Ukraine war) గ‌డిచిన ఐదేళ్లుగా కొన‌సాగుతూనే ఉంది. ఈ క్ర‌మంలో తాజాగా ఉక్రెయిన్‌లోని భారతీయ ఫార్మా కంపెనీ (Indian Pharma Company) పై భీకర దాడి జరిగింది. రష్యా ప్రయోగించిన డ్రోన్‌లు (Drones) సుమీ నగరంలోని ‘కుసుమ్ గ్రూప్ (Kusum Group)స‌ కు చెందిన ఫార్మా ప్లాంట్‌ను లక్ష్యంగా చేసుకున్నాయి. ఈ ఘటనలో ఒకరు మృతిచెంద‌గా పలువురు గాయపడ్డారు. మృతులు, క్షతగాత్రుల సంఖ్య పెరిగే అవకాశం ఉందని స్థానిక అధికారులు తెలిపారు.

అధికారులు తెలిపిన వివరాల ప్రకారం.. ఈ దాడిలో ఫార్మా ప్లాంట్‌లోని ప్రధాన నిర్మాణం దాదాపు పూర్తిగా ధ్వంసమైంది. డ్రోన్‌ల దాడి జ‌రిగిన‌ ప్రాంతంలో భారీగా పొగ కమ్ముకున్న దృశ్యాలు సామాజిక మాధ్యమాల్లో వైరల్ అయ్యాయి. ఈ దాడివల్ల సుమారు రూ.400 కోట్ల మేర నష్టం వాటిల్లిందని ప్రాథమికంగా అంచనా వేస్తున్నారు.

ర‌ష్యాతో ఐదేళ్లుగా యుద్ధం జరుగుతున్నప్పటికీ ఉక్రెయిన్‌లోని ఈ ప్లాంట్ నిరంతరాయంగా ఉత్పత్తిని కొనసాగిస్తూనే ఉన్న‌ది. తాజా దాడితో ప్లాంట్‌లో కార్యకలాపాలు పూర్తిగా నిలిచిపోయాయి. భారతీయుడైన రాజీవ్ గుప్తా నేతృత్వంలో కుసుమ్ గ్రూప్ నడుస్తున్న‌ది. ఈ సంస్థ 1994 లో భారతీయ ఔషధాలను ఉక్రెయిన్‌కు ఎగుమతిచేసే డిస్ట్రిబ్యూటర్‌గా ప్రారంభమైంది. ఆ తర్వాత సొంత బ్రాండ్లను మార్కెటింగ్ చేసింది. 2009లో సుమీ నగరంలో తయారీ ప్లాంట్‌ను స్థాపించింది.

ఈ గ్రూప్ ఉక్రెయిన్, ఉజ్బెకిస్థాన్, కజకిస్థాన్ వంటి 9కి పైగా దేశాలకు 50 రకాల జనరిక్ ఔషధాలను విక్రయిస్తున్న‌ది. గత కొంతకాలంగా రష్యా.. చవకైన, వేగవంతమైన షాహెద్ డ్రోన్లతో ఉక్రెయిన్‌పై నిరంతరం దాడులు చేస్తున్న‌ది. ఈ డ్రోన్లను అడ్డుకోవడం ఉక్రెయిన్ వాయు రక్షణ వ్యవస్థలకు సవాలుగా మారింది. ఇదే సమయంలో ఉక్రెయిన్ కూడా దేశీయంగా తయారుచేసిన ‘ఎఫ్‌పీ-7’ బాలిస్టిక్ క్షిపణిని ప్రయోగించినట్లు ప్రకటించింది. దీని పరిధి సుమారు 250 కిలోమీటర్లు.