Iran-US | మరో విమానాన్ని కూల్చామన్న ఇరాన్.. తప్పించుకున్న పైలట్.. బంధించాలంటూ ప్రజలకు పిలుపు

Iran-US : అమెరికాకు చెందిన ఎఫ్ 35 యుద్ధ విమానాన్ని కూల్చామని ప్రకటించిన ఇరాన్.. ఇప్పుడు ఇంకో అమెరికా విమానాన్ని కూడా కూల్చినట్లు వెల్లడించింది. ఎఫ్‌15 ఈ అనే మరో యుద్ధ విమానాన్ని కూడా కూల్చినట్లు తెలిపింది.

Iran-US : అమెరికాకు చెందిన ఎఫ్ 35 యుద్ధ విమానాన్ని కూల్చామని ప్రకటించిన ఇరాన్.. ఇప్పుడు ఇంకో అమెరికా విమానాన్ని కూడా కూల్చినట్లు వెల్లడించింది. ఎఫ్‌15 ఈ అనే మరో యుద్ధ విమానాన్ని కూడా కూల్చినట్లు తెలిపింది. ఈ ఘటనలో పైలట్ తప్పించుకున్నాడని, అతడిని ఎక్కడున్నా పట్టుకోవాలని ఇరాన్ మీడియా కోరింది. మరోవైపు ఇప్పటికే ఒక పైలట్‌ను ఇరాన్ బంధించినట్లు ఇంకో ప్రచారం జరుగుతోంది.

ఇరాన్ సైన్యం అయిన ఐఆర్‌జీసీ ఏరోస్పేస్ ఫోర్స్ జరిపిన ప్రతి దాడిలో అమెరికాకు చెందిన ఎఫ్35 యుద్ధ విమానం కూలింది. నైరుతి ఇరాన్ ప్రాంతంలో ఈ ఘటన జరిగింది. ఈ ఘటనలో పైలట్ తప్పించుకున్నట్లు తెలుస్తోంది. దీంతో ఘటనా స్థలికి స్థానికులు, అధికారులు భారీ ఎత్తున చేరుకున్నారు. పైలట్‌ను వారు పట్టుకున్నట్లు తెలుస్తోంది. అయితే, అతడిపై దాడి చేయొద్దని అక్కడి ఆర్మీ కోరినట్లు సమాచారం. అలాగే, ఎఫ్15ఈ అనే మరో యుద్ధ విమానాన్ని కూడా ఇరాన్ కూల్చినట్లు స్థానిక మీడియా పేర్కొంది. ఈ విమానానికి సంబంధించిన శకలాలను కూడా అధికారులు గుర్తించారు. పైలట్‌కు సంబంధించిన ఆచూకీ మాత్రం తెలియలేదు. కానీ, అతడు కూడా తప్పించుకుని ఉంటాడని భావిస్తున్నారు. దీనిపై ఇరాన్ మీడియా ఒక ప్రకటన చేసింది.

Iran said it shot down a US Air Force fighter jet over its territory and released images that appear to show the wreckage of a jet that online commentators say is an F-15E Strike Eagle from the 494th Fighter Squadron. Analysts said debris in the video matches the F-15E’s design.… pic.twitter.com/fdaK72MSmF

— Iran International English (@IranIntl_En) April 3, 2026

అమెరికన్ యుద్ధ విమాన పైలట్ కోసం వెతకాలని, ఒకవేళ అతడు కనబడితే పోలీసులకు అప్పగించాలని సూచించింది. ఇంకొందరు మాత్రం ఈ ఘటనలో పైలట్ మరణించి ఉండొచ్చని అంటున్నారు. రెండు విమానాలు కూలిన ఘటనలో పైలట్లకు సంబంధించి ఎలాంటి అధికారిక సమాచారం లేదు. ఈ అంశంలో ఇటు ఇరాన్, అటు అమెరికా ఎలాంటి ప్రకటనా చేయలేదు. మరోవైపు పైలట్ల జాడ కోసం అమెరికా ఆరా తీస్తున్నట్లు తెలుస్తోంది.