మ‌రికాసేప‌ట్లో పాక్ ప్ర‌ధాని ఇమ్రాన్ అరెస్ట్ అయ్యే ఛాన్స్‌?

పాక్ ప్ర‌ధానిని అరెస్ట్ చేయ‌మ‌ని ఆ దేశ‌ సుప్రీం కోర్టు ఆదేశించే అవ‌కాశాలు మెండుగా వున్నాయి. అర్ధ‌రాత్రి 12 గంట‌ల వ‌ర‌కూ జాతీయ అసెంబ్లీలో ఓటింగ్ జ‌ర‌గ‌క‌పోతే కోర్టు ధిక్క‌ర‌ణ ప్ర‌ధాని ఇమ్రాన్‌ను అరెస్ట్ చేసే అవ‌కాశాలున్నాయ‌ని తెలుస్తోంది. ప్ర‌ధాని ఇమ్రాన్‌తో పాటు స్పీక‌ర్‌, డిప్యూటీ స్పీక‌ర్‌ను కూడా అరెస్ట్ చేసే ఛాన్స్ వుంది. మ‌రోవైపు అర్థ‌రాత్రి 12 గంట‌ల వ‌ర‌కూ సుప్రీం కోర్టు తలుపులు తెరిచే వుంచాల‌ని సుప్రీం ప్ర‌ధాన న్యాయ‌మూర్తి అధికారుల‌ను ఆదేశించారు. ఇక‌… ప్ర‌ధాని ఇమ్రాన్ జాతీయ అసెంబ్లీకి హాజ‌రైన‌ట్లు స‌మాచారం. ఈ రాత్రి ఏమైనా జ‌ర‌గొచ్చ‌ని అంచ‌నాలు వేస్తున్నారు.

ఎట్టి ప‌రిస్థితుల్లోనూ అవిశ్వాస తీర్మానం అనే.. అంశ‌మే ద‌గ్గ‌రికి రాకుండా పాక్ ప్ర‌ధాని ఇమ్రాన్ విశ్వ ప్ర‌య‌త్నాలు చేస్తున్న విష‌యం తెలిసిందే. ఈ ప్ర‌య‌త్నాల‌తో పాటు ఆయ‌న ప్ర‌తిప‌క్షం ముందు 3 ష‌ర‌తుల‌ను కూడా విధించారు. అందులో మొద‌టి ష‌ర‌తు… ప‌ద‌వి కోల్పోయిన త‌ర్వాత త‌న‌ను ఎట్టి ప‌రిస్థితుల్లోనూ అరెస్ట్ చేయ‌కూడ‌దు. ఎన్‌బీఏ కింద త‌న‌ను అరెస్ట్ చేయ‌కూడ‌ద‌న్న‌ది రెండో ష‌ర‌తు. విప‌క్ష నేత ష‌హ‌బాజ్ ష‌రీఫ్‌ను త‌దుప‌రి ప్ర‌ధానిగా చేయ‌కూడ‌ద‌న్న‌ది ఇమ్రాన్ మూడో ష‌ర‌తు. అయితే విప‌క్షాలు మాత్రం ఈ ష‌ర‌తుల‌పై ఎలాంటి స్పంద‌నా వ్య‌క్తం చేయ‌క‌పోవడం గ‌మ‌నార్హం.