బీబీసీ చైర్మన్‌గా సమీర్‌ షా

భారత సంతతి బ్రిటన్‌ పౌరుడు, మీడియా ప్రముఖుడు డాక్టర్‌ సమీర్‌ షా ‘బీబీసీ’ చైర్మన్‌గాఎంపికయ్యారు.

లండన్‌, ఫిబ్రవరి 22: భారత సంతతి బ్రిటన్‌ పౌరుడు, మీడియా ప్రముఖుడు డాక్టర్‌ సమీర్‌ షా ‘బీబీసీ’ చైర్మన్‌గాఎంపికయ్యారు. ఈ మేరకు గురువారం బ్రిటన్‌ సాంస్కృతిక కార్యదర్శి లూసీ ఫ్రేజర్‌ ఒక ప్రకటన విడుదల చేశారు. హౌస్‌ ఆఫ్‌ కామన్స్‌ ఎంపీలతో కూడిన ఎంపిక కమిటీ ఆయన పేరును ఖరారుచేయగా, దీనికి బ్రిటన్‌ రాజు చార్లెస్‌-3 ఆమోదముద్ర వేయనున్నారు. టీవీ ప్రొడక్షన్‌, జర్నలిజంలో 40ఏండ్లకుపైగా అనుభవం కలిగిన సమీర్‌ షా గతంలో బీబీసీ కరెంట్‌ అఫైర్స్‌, పొలిటికల్‌ ప్రోగ్రామ్స్‌ హెడ్‌గా పనిచేశారు. బీబీసీ చైర్మన్‌గా ఆయన 2028 మార్చి వరకు కొనసాగుతారు. ఏడాదికి రూ.1.6 కోట్లు వేతనంగా సమీర్‌ షా అందుకోనున్నారు. మాజీ ప్రధాని బోరిస్‌ జాన్సన్‌తో తెరవెనుక వ్యవహారం బయటపడటంతో రిచర్డ్‌ షార్ప్‌ బీబీసీ చైర్మన్‌ పదవికి గత ఏడాది రాజీనామా చేయాల్సి వచ్చింది.