Bulk carrier | బల్క్‌ క్యారియర్‌ నౌకపై దాడి.. చెలరేగిన మంటలు

Bulk carrier | పశ్చిమాసియా (West Asia) లో ఒక బల్క్‌ క్యారియర్‌ నౌక (Bulk carrier ship) పై దాడి జరిగింది. ఖతార్‌ (Qatar) రాజధాని దోహాకు సమీపంలో పెద్ద మొత్తంలో కంటైనర్లను మోసుకొస్తున్న నౌకపై గుర్తుతెలియని డ్రోన్‌ లేదా క్షిపణితో (Drone or Missile) దాడి చేశారు. ఈ క్రమంలోనే నౌకలో మంటలు చెలరేగాయి.

Bulk carrier : పశ్చిమాసియా (West Asia) లో ఒక బల్క్‌ క్యారియర్‌ నౌక (Bulk carrier ship) పై దాడి జరిగింది. ఖతార్‌ (Qatar) రాజధాని దోహాకు సమీపంలో పెద్ద మొత్తంలో కంటైనర్లను మోసుకొస్తున్న నౌకపై గుర్తుతెలియని డ్రోన్‌ లేదా క్షిపణితో (Drone or Missile) దాడి చేశారు. ఈ క్రమంలోనే నౌకలో మంటలు చెలరేగాయి. ఈ విషయాన్ని ఆదివారం బ్రిటిష్‌ మిలిటరీ (British Military) వెల్లడించింది. ఈ ఘటనలో ఎవరికీ ఎలాంటి ప్రాణనష్టం జరగలేదని తెలుస్తోంది.

యూకే మారిటైమ్ ట్రేడ్ ఆపరేషన్స్ ప్రకారం.. ఖతార్‌ రాజధాని దోహాకు 23 నాటికల్ మైళ్ల దూరంలో ఓ నౌక సరకును తరలిస్తుండగా గుర్తుతెలియని ఆయుధం తాకడంతో నౌకలో మంటలు వ్యాపించాయి. వెంటనే అప్రమత్తమైన సిబ్బంది మంటలను ఆర్పేశారు. దాంతో ప్రాణనష్టం తప్పిందని యూకేఎంటీఓ వెల్లడించింది. అమెరికా-ఇరాన్‌ మధ్య ప్రస్తుతం కాల్పుల విరమణ అమలవుతుండగా.. పర్షియన్‌ గల్ఫ్‌లో ఈ దాడి చోటుచేసుకోవడంతో అక్కడ ఉద్రిక్త వాతావరణం నెలకొన్నది. దాడికి గురైన నౌక ఏ దేశానికి చెందినదో, అందులో ఎలాంటి సరకు ఉందో తెలియాల్సి ఉంది.