లాంగ్ జర్నీ కోసం టికెట్ బుక్ చేసుకున్నాడా వ్యక్తి. టైంకి రైల్వే స్టేషన్ వచ్చేసి రైలు ఎక్కేశాడు. తన స్లీపర్ సీటుకు వెళ్లి అక్కడే పడుకున్నాడు. తెల్లారి నిద్రలేచి చూస్తే రైలు కదల్లేదని అతనికి అర్థమైంది. దీంతో షాకైపోయాడు. ఈ ఘటన స్కాంట్లలాండ్లో వెలుగు చూసింది.
గ్లాస్గోలో రైలు ఎక్కిన జిమ్ మెట్కాఫ్ అనే వ్యక్తి తెల్లారేసరికి లండన్ వెళ్లిపోతానని అనుకున్నాడు. అయితే యూరప్ వ్యాప్తంగా ఎండలు మండిపోతుండటంతో ఆ రైలు రద్దయింది. ఈ విషయం జిమ్కు తెలియదు. అందుకే రైలు ఎక్కి పడుకున్నాడు. జిమ్ రెగ్యులర్గా అదే రైలులో ప్రయాణిస్తాడని, దీంతో రైలు రద్దయిన సంగతి తెలియక ట్రైన్లో రాత్రంతా పడుకున్నాడని సమాచారం.
‘‘సుమారు 15 ఏళ్లుగా ఈ రైల్లో ప్రయాణిస్తున్నా. చాలా ట్విస్టులు చూశాను కానీ.. ఇదే వాటన్నింట్లోకి వింతగా అనిపించింది. రాత్రంతా నిద్రపోయి లేస్తే.. ఆ రైలు అసలు కదల్లేదు. ఈరోజు తెల్లారగానే 5.30 గంటలకు వేరే సిటీలో మమ్మల్ని దింపేశారు’’ అని జిమ్ తన చేదు అనుభవాన్ని వివరించాడు.
@CalSleeper In 15 years of using this train, and through many bizarre twists and turns, this has to be strangest yet. Wake up, and the train never left Glasgow. It was just sat here all night, and now we have been thrown off it at 5.30am in the wrong city. pic.twitter.com/MZyRwm9C7E
— Jim Metcalfe (@jim_metcalfe) July 20, 2022