బంగ్లాదేశ్‌ జాతిపితగా ముజిబుర్‌ పేరు తొలగింపు
బంగ్లాదేశ్‌లోని మహమ్మద్‌ యూనస్‌ నేతృత్వంలోని తాత్కాలిక ప్రభుత్వం మరో కీలక నిర్ణయం తీసుకుంది. ఆ దేశ జాతిపితగా బంగబంధు షేక్‌ ముజిబుర్‌ రెహమాన్‌ పేరును తొలగించింది.
- యూనస్‌ సర్కార్‌ చట్ట సవరణ
ఢాకా, జూన్‌ 4: బంగ్లాదేశ్‌లోని మహమ్మద్‌ యూనస్‌ నేతృత్వంలోని తాత్కాలిక ప్రభుత్వం మరో కీలక నిర్ణయం తీసుకుంది. ఆ దేశ జాతిపితగా బంగబంధు షేక్‌ ముజిబుర్‌ రెహమాన్‌ పేరును తొలగించింది. ఈ మేరకు ఆ దేశ లా అండ్‌ జస్టిస్‌ పార్లమెంటరీ సంబంధాల మంత్రిత్వ శాఖ మంగళవారం రాత్రి ఆర్డినెన్స్‌ జారీచేసింది. స్వాతంత్య్ర సమరయోధుడు.. పదానికి కొత్త నిర్వచనం ఇస్తూ, ఓ చట్టాన్ని యూనస్‌ ప్రభుత్వం సవరించిందని, జాతిపిత అన్న బిరుదును షేక్‌ ముజిబుర్‌ రెహమాన్‌కు తొలగించినట్టు ‘ఢాకా ట్రిబ్యూన్‌’ వార్తా కథనం పేర్కొన్నది.
మాజీ ప్రధాని షేక్‌ హసీనా తండ్రి ముజిబుర్‌ రెహమాన్‌ చిత్రపటాన్ని కరెన్సీ నోట్ల నుంచి తొలగించిన కొద్ది రోజుల్లోనే యూనస్‌ ప్రభుత్వం ఈ చర్యను చేపట్టింది. ‘బంగ్లాదేశ్‌ విముక్తి యుద్ధానికి యూనస్‌ ప్రభుత్వం కొత్త నిర్వచనం తీసుకొచ్చింది. బంగబంధు స్వాతంత్య్ర పిలుపు మేరకు యుద్ధం జరిగిందని, బంగ్లాదేశ్‌ విమోచనం పొందిందని ఇంతకుముందున్న చట్టం పేర్కొన్నది’ అని అంటూ ‘ద డెయిలీ స్టార్‌’ న్యూస్‌ పేపర్‌ పేర్కొన్నది.
Read Today's Latest International News in Telugu and Telugu News
- Follow Us :
-
