ఉప్పల్ ప్రయాణికుల తిప్పల్

ఉప్పల్‌ ఎలివేటెడ్‌ కారిడార్‌ నిర్మాణ పనుల్లో భాగంగా ఉప్పల్‌ చౌరస్తాను ట్రాఫిక్‌ అధికారులు మూసివేశారు. దీంతో హైదరాబాద్‌ నుంచి వరంగల్‌ వైపునకు, వరంగల్‌ నుంచి హైదరాబాద్‌ వైపునకు కొన్ని ప్రత్యామ్నాయ మార్గాలను పోలీసులు ఏర్పాటు చేశారు. పిస్తాహౌస్‌ నుంచి బీరప్ప గడ్డ మీదుగా వెళ్లే వాహనాలతో ఆ మార్గంలో ట్రాఫిక్‌ తీవ్రంగా ఉంది.

• ఎలివేటెడ్‌ కారిడార్‌ నిర్మాణ పనులతో ట్రాఫిక్‌ కష్టాలు

ఉప్పల్‌, నమస్తే తెలంగాణ : ఉప్పల్‌ ఎలివేటెడ్‌ కారిడార్‌ నిర్మాణ పనుల్లో భాగంగా ఉప్పల్‌ చౌరస్తాను ట్రాఫిక్‌ అధికారులు మూసివేశారు. దీంతో హైదరాబాద్‌ నుంచి వరంగల్‌ వైపునకు, వరంగల్‌ నుంచి హైదరాబాద్‌ వైపునకు కొన్ని ప్రత్యామ్నాయ మార్గాలను పోలీసులు ఏర్పాటు చేశారు.

పిస్తాహౌస్‌ నుంచి బీరప్ప గడ్డ మీదుగా వెళ్లే వాహనాలతో ఆ మార్గంలో ట్రాఫిక్‌ తీవ్రంగా ఉంది. ముఖ్యంగా ఉప్పల్‌ భగాయత్‌ సర్కిల్‌ వద్ద వాహనదారులు గంటల తరబడి ట్రాఫిక్‌లో చిక్కుకుపోతున్నారు. మరోవైపు ఉప్పల్‌ తాత్కాలిక బస్టాండ్‌ వద్ద సరైన సౌకర్యాలు కల్పించకపోవడంతో ప్రయాణికులు బస్సుల కోసం ప్రధాన రోడ్డు మీదకు వచ్చి నిలబడాల్సిన పరిస్థితి ఏర్పడింది.

అయితే నగరంలో ఎండలు ఠారెత్తిస్తుండటంతో ప్రయాణికులు తీవ్ర ఇబ్బందులు పడుతున్నారు. ప్రభుత్వం స్పందించి తాత్కాలిక బస్టాండ్‌ వద్ద వసతులు కల్పించడంతో పాటు ట్రాఫిక్‌ క్లియరెన్స్‌కు మెరుగైన చర్యలు తీసుకోవాలని ప్రయాణికులు కోరుతున్నారు.