CPGET | సీపీజీఈటీ చివరి దశ ప్రవేశాలకు షెడ్యూల్‌ విడుదల

రాష్ట్రంలోని అన్ని యూనివర్సిటీల పరిధిలోని వివిధ పీజీ కోర్సుల్లో ప్రవేశానికి నిర్వహించిన టీజీ సీపీజీఈటీ - 2025 చివరి దశ ప్రవేశాలకు షెడ్యూల్‌ను విడుదల చేసినట్లు సీపీజీఈటీ కన్వీనర్‌ ప్రొఫెసర్‌ పాండురంగారెడ్డి తెలిపారు.

ఉస్మానియా యూనివర్సిటీ: రాష్ట్రంలోని అన్ని యూనివర్సిటీల పరిధిలోని వివిధ పీజీ కోర్సుల్లో ప్రవేశానికి నిర్వహించిన టీజీ సీపీజీఈటీ – 2025 చివరి దశ ప్రవేశాలకు షెడ్యూల్‌ను విడుదల చేసినట్లు సీపీజీఈటీ కన్వీనర్‌ ప్రొఫెసర్‌ పాండురంగారెడ్డి తెలిపారు. ఆన్‌లైన్‌ సర్టిఫికెట్‌ వెరిఫికేషన్‌కు అభ్యర్థులు ఈ నెల 29వ తేదీ నుంచి వచ్చే నెల 1వ తేదీ వరకు రిజిస్ట్రేషన్‌ చేసుకోవాలని చెప్పారు. 2వ తేదీన వెరిఫికేషన్‌ వివరాలను వెల్లడిస్తామన్నారు.

2వ తేదీ నుంచి 4వ తేదీ వరకు వెబ్‌ఆప్షన్లను ఎంపిక చేసుకోవాలని, 5వ తేదీన ఎడిట్‌ చేసుకోవచ్చన్నారు. ప్రాథమిక సీట్ల కేటాయింపు జాబితాను 9వ తేదీన విడుదల చేస్తామని, అభ్యర్థులు తమకు కేటాయించిన కళాశాలలో 11వ తేదీలోగా రిపోర్టు చేయాల్సి ఉంటుందని వివరించారు. ఇతర వివరాలకు అభ్యర్థులు తమ వెబ్‌సైట్‌లో చూసుకోవాలని సూచించారు.