Traffic Alert | హైదరాబాద్‌లో నేడు ట్రాఫిక్‌ ఆంక్షలు.. ఆ సమయంలో అటువైపు వెళ్లారో ఇక అంతే సంగతి!

ప్రధాని నరేంద్రమోదీ పర్యటన సందర్భంగా సోమవారం బేగంపేట్‌ నుంచి సోమాజిగూడ వరకు అరగంట పాటు ట్రాఫిక్‌ ఆంక్షలు విధిస్తున్నట్లు నగర ట్రాఫిక్‌ పోలీసులు తెలిపారు.

Traffic Alert | సిటీబ్యూరో: ప్రధాని నరేంద్రమోదీ పర్యటన సందర్భంగా సోమవారం బేగంపేట్‌ నుంచి సోమాజిగూడ వరకు అరగంట పాటు ట్రాఫిక్‌ ఆంక్షలు విధిస్తున్నట్లు నగర ట్రాఫిక్‌ పోలీసులు తెలిపారు. రాత్రి 7.40 నుంచి 8.10 నిమిషాల మధ్య బేగంపేట్‌ ఎయిర్‌పోర్టు నుంచి షాపర్‌ స్టాప్‌, హైదరాబాద్‌ పబ్లిక్‌ స్కూల్‌, రాజ్‌భవన్‌ వరకు , అలాగే 5వ తేదీ ఉదయం 9.50 నుంచి 10.15 నిమిషాల మధ్య రాజ్‌భవన్‌ నుంచి బేగంపేట్‌ ఎయిర్‌పోర్టు వరకు ఆంక్షలు విధిస్తున్నట్లు చెప్పారు.

ఇక ఎల్బీస్టేడియంలో నేడు తెలంగాణ సోషల్‌ వెల్ఫేర్‌ డిపార్టుమెంట్‌లో ప్రభుత్వ ఉద్యోగాలు సాధించిన వారికి ప్రభుత్వం నియామక పత్రాలు అందజేయనున్న నేపథ్యంలో స్టేడియం పరిసరాల్లో ట్రాఫిక్‌ ఆంక్షలు విధించినట్లు ట్రాఫిక్‌ పోలీసులు తెలిపారు.